Vinayaka Chavithi: చవితి రోజున చంద్రుడిని చూడటం అరిష్టమని హిందూ పురాణాల్లో నమ్మకం ఉంది. ఆ రోజున చంద్రుడిని చూసిన వారికి నీలాపనిందలు, అంటే చేయని తప్పులకు తప్పుడు ఆరోపణలు ఎదురయ్యే అవకాశం ఉంటుందని పౌరాణిక కథలు చెబుతున్నాయి.
అందుకే వినాయక చవితి రోజున చంద్రదర్శనం చేయకూడదని పెద్దలు సూచిస్తుంటారు.
Read Also :Ganesh Navaratri 2026 : మట్టి వినాయకుడినే ఎందుకు పూజించాలి?
చంద్రుడికి వినాయకుడి శాపం
పురాణ కథనం ప్రకారం.. ఒకసారి వినాయకుడు కిందపడటాన్ని చూసిన చంద్రుడు అహంకారంతో నవ్వాడు. దీంతో ఆగ్రహించిన గణనాథుడు చంద్రుడిని శపించాడు. వినాయక చవితి రోజున చంద్రుడిని చూసిన వారికి తప్పుడు నిందలు, ఆరోపణలు ఎదురవుతాయని శాపం ఇచ్చినట్లు పురాణాల్లో పేర్కొంటారు.
శ్రీకృష్ణుడికి కూడా తప్పని నీలాపనిందలు
ద్వాపరయుగంలో శ్రీకృష్ణుడు సైతం వినాయక చవితి రోజున చంద్రుడిని చూశారని, ఆ కారణంగా శమంతకమణిని దొంగిలించారనే నిందను ఎదుర్కొన్నారని పురాణ కథనం. అనంతరం అసలు నిజాన్ని నిరూపించుకుని ఆ నింద నుంచి శ్రీకృష్ణుడు బయటపడ్డాడని చెబుతారు.
Vinayaka Chavithi: పొరపాటున చంద్రుడిని చూస్తే ఏం చేయాలి?
వినాయక చవితి రోజున పొరపాటున చంద్రుడిని చూసినా భయపడాల్సిన అవసరం లేదని పౌరాణిక విశ్వాసం. శమంతకమణి కథను వినడం, చదవడం లేదా చంద్రదర్శన దోష నివారణకు సంబంధించిన మంత్రాలను పఠించడం ద్వారా దోషం తొలగిపోతుందని పురాణాలు చెబుతున్నాయి.