Peddi item song in controversy : బుచ్చిబాబు సానా దర్శకత్వంలో రామ్ చరణ్ నటిస్తున్న మోస్ట్ అవేటెడ్ ప్యాన్ ఇండియా చిత్రం 'పెద్ది' విడుదల తేదీ (జూన్ 4) దగ్గరపడుతుండటంతో చిత్ర యూనిట్ ప్రమోషన్లను ముమ్మరం చేసింది.

ఇందులో భాగంగా ఇటీవల విడుదల చేసిన ‘హెల్లాల్లోల్లో’ (Hellallallo) అనే హై-ఎనర్జీ స్పెషల్ సాంగ్ ఇప్పుడు సోషల్ మీడియాలో పెద్ద వివాదానికి కేంద్రబిందువుగా మారింది. ఈ పాటలో రామ్ చరణ్‌తో కలిసి స్టార్ హీరోయిన్ శ్రుతిహాసన్, చిత్ర కథానాయిక జాన్వీ కపూర్ వేసిన మాస్ స్టెప్పులు మరియు కొరియోగ్రఫీ కాస్త శృతిమించి, వల్గర్‌గా ఉన్నాయంటూ బాలీవుడ్ వర్గాల నుంచి, నార్త్ ఆడియన్స్ నుండి తీవ్ర విమర్శలు వ్యక్తమవుతున్నాయి. ‘నాటు నాటు’ పాటతో అంతర్జాతీయ స్థాయిలో ఆస్కార్ వేదికపై మెరిసిన రామ్ చరణ్ లాంటి గ్లోబల్ స్టార్, మళ్లీ ఇలాంటి పాతకాలపు క్రాస్ ఆబ్జెక్టిఫికేషన్ (మహిళలను గ్లామరైజ్ చేసే) ఐటెం సాంగ్‌లో నటించడమేంటని సోషల్ మీడియాలో బాలీవుడ్ నెటిజన్లు పెదవి విరుస్తున్నారు.

Read Also : కలెక్టరేట్లో అనంత శ్రీరామ్ కంపెంట్

బాలీవుడ్ వల్గారిటీ కనిపించదా?.. హిందీ బెల్ట్ నెగటివిటీపై చరణ్ ఫ్యాన్స్ ఫైర్!

ఉత్తరాది నుంచి వస్తున్న ఈ విమర్శలపై రామ్ చరణ్ అభిమానులు మరియు సౌత్ సినిమా లవర్స్ సోషల్ మీడియా వేదికగా తీవ్రస్థాయిలో ఎదురుదాడికి దిగుతున్నారు. ‘పెద్ది’ సినిమాపై, ముఖ్యంగా రామ్ చరణ్ ఎదుగుదలపై కావాలనే బాలీవుడ్ బ్యాచ్ నెగటివిటీని స్ప్రెడ్ చేస్తోందని వారు మండిపడుతున్నారు. బాలీవుడ్ సినిమాల్లో దశాబ్దాలుగా చూపిస్తున్న అత్యంత అసభ్యకరమైన సీన్లు, ఐటెం సాంగ్స్‌లోని వల్గారిటీ అక్కడి విమర్శకులకు కనిపించదా? అంటూ ఘాటుగా సెటైర్లు వేస్తున్నారు. ఇది కేవలం సినిమాలోని కమర్షియల్ హంగుల్లో భాగమైన ఒక మాస్ డ్యాన్స్ నంబర్ మాత్రమేనని, దీనికి ఆస్కార్ ఇమేజ్‌ను ముడిపెట్టడం మూర్ఖత్వమని కొట్టిపారేస్తున్నారు. లెజెండరీ మ్యూజిక్ డైరెక్టర్ ఏఆర్ రెహమాన్ స్వరపరిచిన ఈ మాస్ బీట్‌కు థియేటర్లలో ఆడియన్స్ స్టెప్పులు వేయడం ఖాయమని, ఈ అనవసర వివాదాలు సినిమా కలెక్షన్లపై ఎలాంటి ప్రభావం చూపవని ఫ్యాన్స్ ధీమా వ్యక్తం చేస్తున్నారు.