డ్రైవర్ కొడుకుకి ఎమ్మెల్యే టికెట్ ఇచ్చి సంచలన నిర్ణయం తీసుకున్న విజయ్. విరుగంబక్కం నుంచి పోటీ చేసిన శబరీనాథన్ భారీ ఆధిక్యంతో గెలుపొందడం ఈ ఎన్నికల్లో భావోద్వేగ క్షణం..

Driver's Son to MLA: Vijay's Emotional Bet Turns Into Massive Political Win

విధాత భారత్​ డెస్క్​ | మే 4, 2026 | హైదరాబాద్​:

తమిళ సినీ రంగంలో స్టార్‌గా వెలిగిన తలపతి విజయ్​… ఇప్పుడు రాజకీయాల్లోనూ అదే మ్యాజిక్ చూపిస్తున్నాడు. ఆయన స్థాపించిన తమిళగ వెట్రి కళగం(Tamilaga Vettri Kazhagam) తొలి ఎన్నికలలోనే సంచలన ఫలితాలు నమోదు చేస్తుండగా, ఒక సాధారణ కుటుంబానికి చెందిన యువకుడి కథ ప్రజల హృదయాలను తాకుతోంది. తన డ్రైవర్ కొడుకుకే టికెట్ ఇచ్చిన విజయ్ నిర్ణయం ఇప్పుడు విజయం రూపంలో ప్రత్యక్షమవడం రాజకీయాల్లో అరుదైన సంఘటనగా మారింది.

చెన్నైకు చెందిన రాజేంద్రన్ గత 15 సంవత్సరాలుగా విజయ్ వ్యక్తిగత డ్రైవర్‌గా పని చేస్తూ ఆయన ప్రయాణానికి సాక్షిగా నిలిచాడు. రాజేంద్రన్​ కొడుకు ఆర్. శబరీనాథన్ సాధారణ మధ్యతరగతి యువకుడు. కానీ పార్టీ స్థాపించినాటి నుండి క్షేత్రస్థాయిలో చాలా కష్టపడి తనకంటూ గుర్తింపు సంపాదించాడు.

టికెట్ ఇచ్చిన క్షణం… శబరీనాథన్ ఆనందబాష్పాలు, విజయ్ హగ్ వైరల్

ఈ ఏడాది మార్చిలో పార్టీ అభ్యర్థులను ప్రకటిస్తూ విజయ్ అకస్మాత్తుగా శబరీనాథన్‌కు విరుగంబక్కం టికెట్ ఇవ్వడం ఒక్కసారిగా సంచలనం సృష్టించింది. అక్కడే వేరే పనుల మీద ఉన్న శబరీనాథన్​ ఉన్నట్టుండి తన పేరు వినిపించేసరికి తట్టుకోలేక భోరున విలపిస్తూ విజయ్ కాళ్లకు నమస్కరించాడు. విజయ్​ శబరిని లేపి హత్తుకున్నాడు. ఆ సమయంలో తండ్రి రాజేంద్రన్ కూడా కన్నీళ్లు పెట్టుకోవడం అక్కడున్నవారిని కదిలించింది. విజయ్ అతన్ని ఓదార్చుతూ కన్నీళ్లు తుడిచిన దృశ్యం సోషల్ మీడియాలో వైరల్ అయింది. ఈ వీడియో చాలమంది చూసారు. ఈ సంఘటన రాజకీయ నిర్ణయాన్ని మించి ఒక నమ్మకానికి ప్రతీకగా నిలిచింది.

.అది కేవలం ఒక టికెట్ ఇవ్వడం కాదు… ఒక కుటుంబం మీద ఉన్న విశ్వాసాన్ని ప్రజల ముందుంచిన క్షణం. విజయ్ కూడా సబరీనాథన్‌ను దగ్గరకు తీసుకుని అతని కన్నీళ్లు తుడుస్తూ ఓదార్చిన దృశ్యం సోషల్ మీడియాలో వైరల్ అయింది. చాలా మంది దీనిని "నిజ జీవిత సినిమా సీన్"గా అభివర్ణించారు.

ఆ భావోద్వేగ క్షణం ఇప్పుడు రాజకీయ ఫలితాల్లో ప్రతిఫలిస్తున్నట్టు కనిపిస్తోంది. విరుగంబక్కం నియోజకవర్గంలో పోటీ చేసిన శబరీనాథన్ 27.086 ఓట్ల భారీ మెజారిటీతో విజయం సాధించాడు. డిఎంకే(Dravida Munnetra Kazhagam) అభ్యర్థిపై వేలాది ఓట్ల తేడాతో ప్రతీ రౌండ్​లో ఆధిక్యం కనబరుస్తూ గెలుపు దిశగా దూసుకెళ్లాడు.