చెన్నై సూపర్ కింగ్స్‌పై 5 వికెట్ల తేడాతో ఘన విజయం సాధించిన సన్‌రైజర్స్ హైదరాబాద్ ఐపీఎల్ 2026 ప్లేఆఫ్స్‌లోకి ప్రవేశించింది. ఇషాన్ కిషన్‌, క్లాసెన్‌ కీలక ఇన్నింగ్స్‌లతో ఎస్‌ఆర్‌హెచ్‌ లక్ష్యాన్ని ఛేదించింది.

SRH Beat CSK By 5 Wickets, Qualify For IPL 2026 Playoffs

విధాతస్పోర్ట్స్డెస్క్| మే 18, 2026​:

చెన్నై: సన్‌రైజర్స్ హైదరాబాద్ ప్లేఆఫ్స్​లోకి అధికారికంగా ప్రవేశించింది. చెన్నైలోని ఎంఏ చిదంబరం స్టేడియంలో జరిగిన కీలక మ్యాచ్‌లో చెన్నై సూపర్ కింగ్స్‌పై 5 వికెట్ల తేడాతో విజయం సాధించిన ఎస్‌ఆర్‌హెచ్‌ ప్లేఆఫ్స్‌లోకి అడుగుపెట్టింది. కీలక మ్యాచ్​లో ఓటమిపాలైన సీఎస్‌కే దాదాపు ఇంటిముఖం పట్టినట్లే.

టాస్ గెలిచిన చెన్నై ముందుగా బ్యాటింగ్ ఎంచుకుని 20 ఓవర్లలో 7 వికెట్లకు 180 పరుగులు చేసింది. సీఎస్‌కే ఇన్నింగ్స్‌లో మధ్య ఓవర్లలో బ్యాటర్లు వేగం పెంచడంతో జట్టు పోటీ స్కోరు నమోదు చేసింది. అయితే చివరి ఓవర్లలో సన్‌రైజర్స్ బౌలర్లు కట్టుదిట్టంగా బౌలింగ్ చేయడంతో చెన్నై 200 మార్క్‌ను అందుకోలేకపోయింది.

181 పరుగుల లక్ష్యంతో బరిలోకి దిగిన హైదరాబాద్‌ జట్టు ఆరంభం నుంచే దూకుడుగా ఆడింది. అభిషేక్​ దూకుడుగా ఇన్నింగ్స్​ ఆరంభించినా, పరుగులు వేగంగా రాబట్టలేకపోయారు. మళ్లీ ఇషాన్ కిషన్ - క్లాసెన్​ జంట​ద్భుతమైన పోరాట పటిమ కనబర్చి మ్యాచ్‌ను ఎస్‌ఆర్‌హెచ్ వైపు తిప్పారు. మధ్యలో సీఎస్‌కే బౌలర్లు వికెట్లు తీసి ఒత్తిడి తెచ్చినా, హెన్రిచ్ క్లాసెన్ అనుభవంతో ఇన్నింగ్స్‌ను చక్కగా ముందుకు నడిపించాడు. చివర్లో సలిల్ అరోరా మెరుపు షాట్లతో మ్యాచ్‌ను ముగించాడు.

19వ ఓవర్‌లోనే లక్ష్యాన్ని చేధించిన సన్‌రైజర్స్ హైదరాబాద్ 5 వికెట్ల తేడాతో విజయం సాధించింది. ఈ గెలుపుతో ప్యాట్ కమిన్స్ సారథ్యంలోని జట్టు ప్లేఆఫ్స్ బెర్త్‌ను ఖాయం చేసుకుంది. ఈ సీజన్‌లో సమతూకమైన బ్యాటింగ్‌, క్రమశిక్షణతో కూడిన బౌలింగ్‌తో ఎస్‌ఆర్‌హెచ్‌ అత్యంత ప్రమాదకర జట్లలో ఒకటిగా నిలుస్తోంది.