కార్బెట్ నేషనల్ పార్క్‌లో ఓ ఆడ ఏనుగు కవల పిల్లలకు జన్మనిచ్చింది. ఏనుగులు కవలలకు జన్మ ఇవ్వడం చాలా అరుదు. ఈ దృశ్యాలు వైరల్ కావడంతో పర్యాటకులు భారీగా తరలివస్తున్నారు.

ఇది అసాధారణ చర్య.. ఎందుకంటే ఏనుగులు కవల పిల్లలకు సాధారణంగా జన్మనివ్వవు. కానీ ఈ ఏనుగు మాత్రం కవల పిల్లలకు జన్మనిచ్చి.. అటవీ శాఖ అధికారులను షాక్‌కు గురి చేసింది.. పర్యాటకుల దృష్టిని ఆకర్షించింది. ప్రస్తుతం కవల ఏనుగులను చూసేందుకు పర్యాటకులు పోటెత్తారు.

ఉత్తరాఖండ్‌లోని కార్బెట్ నేషన్ పార్కు ఏనుగుల ఆవాసానికి ప్రసిద్ధి. ఈ పార్కులో మొత్తం 1200కు పైగా ఏనుగులు ఉన్నాయి. ఇవి తమ సంతతిని వృద్ధి చేసుకుంటూ.. పిల్లలను కంటికి రెప్పలా కాపాడుకుంటున్నాయి. అయితే ఇటీవల ఓ ఆడ ఏనుగు కవల పిల్లలకు జన్మనిచ్చింది. దీంతో అటవీ శాఖ అధికారులు షాక్‌కు గురయ్యారు. ఏనుగుతో పాటు దాని కవల పిల్లలు సురక్షితంగా ఉన్నారని అధికారులు పేర్కొన్నారు.