అఫ్గానిస్థాన్‌తో సిరీస్‌కు ఎంపిక చేసిన టీమిండియా జట్టులో ఆశ్చర్యకరంగా ఓ కొత్త పేరు కనబడింది. అతను గుర్​నూర్​ బ్రార్​. ఎవరికీ పరిచయం లేని అతను ఉన్నట్టుండి భారత జట్టులో చోటు దక్కించుకున్నాడు.

ఆ ఆరున్నర అడుగుల పంజాబ్ పేసర్ గుర్​నూర్​ బ్రార్​ ఎవరు?

Who Is Gurnoor Brar: 6'5 Punjab Pacer Earns India Call-Up For Afghanistan Series

విధాతస్పోర్ట్స్డెస్క్ | మే 19, 2026:

ముంబయి: అఫ్గానిస్థాన్‌తో జరగనున్న ఏకైక టెస్ట్‌, మూడు వన్డేల సిరీస్‌కు భారత జట్లను బీసీసీఐ ప్రకటించగా.. అందులో ఒక పేరు క్రికెట్ అభిమానుల దృష్టిని ప్రత్యేకంగా ఆకర్షించింది. ఆ పేరు గుర్​నూర్​ బ్రార్ . పంజాబ్‌కు చెందిన ఈ 6.5 అడుగుల పొడవైన ఫాస్ట్ బౌలర్‌కు తొలిసారి భారత జట్టులో చోటు దక్కింది. బుమ్రా, రవీంద్ర జడేజాకు విశ్రాంతి ఇవ్వడం, యువ ఆటగాళ్లకు అవకాశాలు కల్పించే దిశగా సెలెక్టర్లు అడుగులు వేయడంతో బ్రార్ పేరు వెలుగులోకి వచ్చింది. భారత్-అఫ్గానిస్థాన్ ఏకైక టెస్ట్ జూన్ 6 నుంచి న్యూ చండీగఢ్‌లో జరగనుంది. వన్డే సిరీస్ జూన్ 14, 17, 20 తేదీల్లో నిర్వహించనున్నారు.

అఫ్గానిస్థాన్ సిరీస్‌కు ఎంపికైన యువ పేసర్ గుర్​నూర్ బ్రార్

గుర్​నూర్ బ్రార్ ప్రస్తుతం ఐపీఎల్‌లో గుజరాత్ టైటాన్స్ జట్టులో ఉన్నాడు. అయితే ఈ సీజన్‌లో అతనికి ఇంకా ఆడే అవకాశం రాలేదు. అయినప్పటికీ దేశవాళీ క్రికెట్‌లో చూపిన నిలకడైన ప్రదర్శనలే అతన్ని జాతీయ జట్టుకు ఎంపిక చేశాయి. పంజాబ్ తరఫున రెడ్‌బాల్ క్రికెట్‌లో అతని పేస్‌, బౌన్స్‌, క్రమశిక్షణతో కూడిన లైన్ అండ్ లెంగ్త్ సెలెక్టర్లను ఆకట్టుకున్నాయి.

ALSO READ | అఫ్గానిస్థాన్ సిరీస్‌కు టీమిండియా జట్టు ప్రకటన.. బుమ్రా, జడేజాకు విశ్రాంతి

2024-25 సీజన్‌లో గుర్​నూర్ బ్రార్ తన ప్రతిభను బలంగా నిరూపించుకున్నాడు. రంజీ ట్రోఫీలో 12 మ్యాచ్‌ల్లో 33 వికెట్లు సాధించి, 3.43 ఎకానమీతో ఆకట్టుకున్నాడు. బీహార్‌పై 14 పరుగులకే 5 వికెట్లు తీసిన స్పెల్ అతని సామర్థ్యాన్ని ప్రస్ఫుటంగా ప్రదర్శించింది.

అతని ఎత్తు వల్ల పిచ్‌పై సహజంగానే బౌన్స్ లభిస్తుంది. భారత పిచ్‌లపై కూడా బ్యాటర్లను వెనుకంజ వేయించగలిగే ప్రతిభ అతనిలో ఉందని సెలెక్టర్లు భావిస్తున్నారు. బుమ్రాకు విశ్రాంతి ఇవ్వడంతో మహ్మద్ సిరాజ్ పేస్ దళానికి నాయకత్వం వహించనుండగా, ప్రసిద్ధ్ కృష్ణతో పాటు గుర్​నూర్ బ్రార్‌కు అవకాశం లభించడం టీమిండియా భవిష్యత్ పేస్ బౌలింగ్​ దళంపై సెలక్టర్లకు ఉన్న దూరదృష్టిని చూపిస్తోంది.

టీమిండియా పేస్ దళంలో కొత్త తారగా నిలిచిన గుర్​నూర్ బ్రార్

గుర్​నూర్ ​కెరీర్‌లో మరో ఆసక్తికరమైన విషయం, అతనికి శుభ్‌మన్గిల్‌తోఉన్నపాతఅనుబంధం. అండర్-19 రోజుల నుంచే గిల్‌కు బౌలింగ్ చేశానని బ్రార్ గతంలో చెప్పాడు. కటోచ్ షీల్డ్ మ్యాచ్‌ల సమయంలో తన బౌలింగ్‌ను చూసిన గిల్.. జిల్లా జట్టులోకి రావడానికి సాయం చేశాడని బ్రార్ వెల్లడించాడు. అతని బౌలింగ్​ వైవిధ్యం అక్కడి నుంచి మొహాలీ జట్టు, ఆ తర్వాత పంజాబ్ అండర్-23 జట్టుకు ప్రాతినిధ్యం వహించేలా చేసింది.