ఓ కారులో మనం ఏం చెబితే అలా చేసే (కమాండ్స్‌) ప్రత్యేకత ఉందనుకుందాం. ‘ఇండికేటర్‌ ఆన్‌’ అని చెబితే చేసేస్తుంది.. ‘దర్వాజా బంద్‌ కరో’ అని అంటే కూడా చేసేస్తుంది. మరి డోర్‌ బంద్‌ కరో అనగానే.. ఎలాంటి స్పందన ఉండకపోవచ్చు. కారణం.. ఇందులో సగం హిందీ, సగం ఇంగ్లిషు పదాలు (హింగ్లిషు). పూర్తిగా ఏదోక భాషలో చెబితేనే దానికి అర్థమై తదనుగుణంగా స్పందిస్తుంది. అయితే ఇప్పుడు ఎవరు ఏం మాట్లాడినా అందులో ఇంగ్లీషు పదాలు రావడం సర్వసాధారణం అయిపోయింది. హిందీ మాట్లాడేవాళ్లూ ఇందుకు మినహాయింపు కాదు. అందుకే హిందీ, ఇంగ్లిషు పదాలు కలిపి మాట్లాడినా అర్థం చేసుకునే ప్రత్యేకతతో తన ఖరీదైన హ్యాచ్‌బ్యాక్‌ కారు ఆల్ట్రోజ్‌లో ఐ-టర్బో పెట్రోలు రకాన్ని (వేరియంట్‌) టాటా మోటార్స్‌ తీసుకొచ్చింది.