ఈ ఒక్క ఇన్నింగ్స్ వైభవ్ సూర్యవంశీ పలు అరుదైన రికార్డులను తన ఖాతాలో వేసుకున్నాడు. తొలి అన్ క్యాప్డ్‌ ప్లేయర్. ఒకే ఐపీఎల్ సీజన్‌లో 700 పరుగుల మైలురాయిని దాటిన తొలి అన్ క్యాప్డ్‌(అంతర్జాతీయ మ్యాచ్‌లు ఆడని) ఆటగాడిగా వైభవ్ చరిత్ర సృష్టించాడు. ఈ సీజన్‌లో ఇప్పటివరకు 16 మ్యాచ్‌లలో 48.50 సగటుతో 776 పరుగులు సాధించాడు.

అలాగే, ఐపీఎల్ చరిత్రలో అత్యంత వేగంగా (ఎదుర్కొన్న బంతుల పరంగా) 1000 పరుగులు పూర్తి చేసిన బ్యాటర్ అగ్రస్థానంలో నిలిచాడు. కేవలం 440 బంతుల్లోనే ఈ ఘనత సాధించి, వెస్టిండీస్ విధ్వంసకారుడు ఆండ్రీ రస్సెల్ (545 బంతులు) రికార్డును బద్దలు కొట్టాడు. ఐపీఎల్‌లో ఒక సీజన్‌లో 700 పరుగులు చేసిన అత్యంత పిన్న వయస్కుడిగా (15 సంవత్సరాల 63 రోజులు) నిలిచాడు. గతంలో ఈ రికార్డు సాయి సుదర్శన్ పేరిట ఉండేది.