మూడున్నర దశాబ్దాల పాటు దేశాన్ని నడిపిన ఈ నాయకుడికి నివాళులర్పించేందుకు, రాబోయే మూడు రోజుల్లో ఒక్క టెహ్రాన్ నగరంలోనే 1.5 నుండి 2 కోట్ల మంది ప్రజలు పాల్గొంటారని ఇరాన్ అధికారులు అంచనా వేస్తున్నారు.

1989 నుండి ఇరాన్‌తో అమెరికా-ఇజ్రాయెల్ యుద్ధం మొదలైన రోజున (ఫిబ్రవరి 28న) 86 ఏళ్ల వయసులో మరణించే వరకు ఇస్లామిక్ రిపబ్లిక్‌ను అత్యున్నత నాయకుడిగా పాలించిన ఖమేనీ స్మృత్యర్థం ఆరు రోజుల పాటు అంత్యక్రియల కార్యక్రమాలు నిర్వహించనున్నారు.

ఈ కార్యక్రమాల్లో ఖమేనీ కుమారుడు, ఆయన వారసుడైన మొజ్తాబా ఖమేనీకి సంబంధించిన సంకేతాల కోసం ప్రత్యేకంగా నిశిత పరిశీలన జరగనుంది. తండ్రి మరణం తర్వాత వారం రోజులకే ఆయన 'సుప్రీం లీడర్'గా ప్రకటించబడినప్పటికీ, ఇప్పటివరకు బహిరంగంగా కనిపించలేదు.

జూలై 4, 5 తేదీలు తెహ్రాన్‌లో సెలవు కాగా, జూలై 6 జాతీయ సెలవు దినంగా ప్రకటించినట్టు నిర్వాహక కమిటీ అధిపతి, ఉపాధ్యక్షుడు మొహమ్మద్ రజా ఆరిఫ్ చెప్పారు. ఈ కార్యక్రమాలకు కోటీ 20 లక్షల మంది నుంచి కోటీ 50 లక్షల మంది హాజరవుతారని అధికారులు అంచనా.

ఇకపోతే.. హతమైన అయతుల్లా అలీ ఖమేనీకి తుది వీడ్కోలు పలికేందుకు శనివారం ఉదయం టెహ్రాన్‌లో వేలాది మంది ప్రజలు తరలివచ్చారు. ఈ సందర్భంగా వారు తమ గుండెలను బాదుకుంటూ ప్రతీకారం, ప్రతీకారం అని నినదించారు. ఖమేనీ, ఫిబ్రవరి చివరలో జరిగిన అమెరికా-ఇజ్రాయెల్ దాడుల్లో మరణించారు. ఈ దాడులు ఆ ప్రాంతంలో యుద్ధానికి దారితీశాయి. శనివారం ఉదయం ఇరాన్ రాజధానిలోని విశాలమైన గ్రాండ్ మోసల్లా ప్రార్థనా ప్రాంగణంలో ఆయన భౌతికకాయాన్ని ప్రజల సందర్శనార్థం ఉంచారు.