వివరాల్లోకి వెళితే... దేశ రాజధాని ఢిల్లీ, లోధి కాలనీలోని ఒక అపార్ట్‌మెంట్ పైనుంచి దూకి ఆకృతి సుతార్‌ (28) అనే యువతి మృతి చెందిన కేసులో పోలీసులు జరిపిన విచారణలో పలు కీలక విషయాలు వెలుగులోకి వచ్చాయి. ప్రేమించి వివాహం చేసుకున్న రెండు నెలలకే ఆమె తనువు చాలించింది.

దీనిపై కేసు నమోదు చేసుకున్న పోలీసులు మృతురాలి భర్త అరస్తు సిక్కాను అధికారికంగా అరెస్ట్ చేశారు. ప్రేమించి పెళ్లి చేసుకున్నప్పటికీ.. అదనపు కట్నం తీసుకురాలేదనే నెపంతో భర్త అరస్తు సిక్కా తన కూతురిని పెళ్లయిన నాటి నుంచి నిత్యం మానసికంగా, శారీరకంగా వేధించేవాడని మృతురాలి కుటుంబ సభ్యులు పోలీసులకు ఫిర్యాదు చేశారు. పెళ్లి తర్వాత ఆమెపై ఒత్తిడి తెస్తూ రూ.10 లక్షల నగదుతో పాటు ఒక కొత్త కారును కట్నంగా డిమాండ్ చేసినట్లు వారు తమ ఫిర్యాదులో ఆరోపించారు.