హనుమాన్ జయంతి పర్వదినాన్ని పురస్కరించుకుని, మేకర్స్ ఒక శక్తివంతమైన కొత్త పోస్టర్‌ను విడుదల చేశారు. ఇందులో రామ్ చరణ్ తన కెరీర్‌లోనే మోస్ట్ ఇంటెన్స్, ఆధ్యాత్మికత తో కూడిన అవతార్‌లో కనిపిస్తున్నారు.

ఈ పోస్టర్‌లో చరణ్ ఒక పల్లెటూరి అఖాడా మధ్యలో నిలబడి వుండగా, ఆయన ప్రెజెన్స్ ఒక్కసారిగా అందరినీ కట్టిపడేసింది. పహెల్వాన్‌లా తీర్చిదిద్దుకున్న శరీరం, రగ్గడ్ గడ్డం, వెనక్కి కట్టిన జుట్టు, అన్నీ కలిసి గ్రామీణ అసలైన వాతావరణాన్ని బలంగా ప్రజెంట్ చేస్తున్నాయి.

భూమిలో లోతుగా నాటుకుపోయిన భారీ చెక్క గదను పట్టుకుని ఉన్న చరణ్, హనుమ ను గుర్తు చేసేలా అద్భుతంగా కనిపించారు. అతని చుట్టూ ఎగిసిపడుతున్న ధూళి ఆ క్షణంలోని ఇంటన్సిటీని మరింత పెంచుతోంది. బ్యాక్‌గ్రౌండ్‌లో కుస్తీ సాధన చేస్తున్న రెజ్లర్లు పోస్టర్‌కు మరింత బలాన్ని చేకూరుస్తున్నారు.

ఈ చిత్రంలో జాన్వీ కపూర్ హీరోయిన్ గా నటిస్తోంది. శివ రాజ్‌కుమార్, జగపతి బాబు, దివ్యేందు, బోమన్ ఇరానీ ఇతర ప్రముఖ పాత్రలను పోషిస్తున్నారు. ఈ చిత్రానికి టాప్ టెక్నికల్ టీం పని చేస్తోంది. ఆస్కార్ విజేత ఏఆర్ రెహ్మాన్ మ్యూజిక్ అందిస్తున్నారు. సినిమాటోగ్రాఫర్ ఆర్ రత్నవేలు, ఎడిటర్ నవీన్ నూలి, ప్రొడక్షన్ డిజైనర్ అవినాష్ కొల్లా.

తారాగణం: మెగా పవర్ స్టార్ రామ్ చరణ్, జాన్వీ కపూర్, శివ రాజ్ కుమార్, జగపతి బాబు, దివ్యేందు శర్మ, బొమన్ ఇరానీ