Marriage
హిందూ వివాహంలోని ముఖ్యమైన ఆచారాలు, ముఖ్యంగా సప్తపది వంటి ఏడు ప్రమాణాలు చేయకపోతే.. ఆ వివాహం చెల్లదని గుజరాత్ హైకోర్టు సంచలన తీర్పునిచ్చింది.ఈ కేసు మొత్తం బ్రిటన్లో నివసిస్తున్న ఒక వ్యక్తి చేసిన అప్పీలుకు సంబంధించినది. అహ్మదాబాద్కు చెందిన ఒక మహిళ, ఉద్యోగం ఇప్పిస్తానని చెప్పి తనను మోసగించి పత్రాలపై సంతకాలు చేయించుకుని, నకిలీ వివాహ ధృవీకరణ పత్రాన్ని సృష్టించిందని అతను ఆరోపించాడు. ఈ కేసు కుటుంబ న్యాయస్థానానికి చేరినప్పుడు, తమ మధ్య ఎలాంటి వివాహ వేడుక జరగలేదని, తాము ఎన్నడూ భార్యాభర్తలుగా జీవించలేదని ఆ మహిళ ఒప్పుకుంది.
ఇందులో విశేషం ఏంటంటే.. తనకు పెళ్లయిందన్న విషయం ఆ వ్యక్తికి తెలియదు. ఆ మహిళ వివాహ ధృవీకరణ పత్రాన్ని అతని తల్లిదండ్రులకు చూపించి, తానే అతని చట్టబద్ధమైన భార్యనని చెప్పుకున్నప్పుడు మాత్రమే అతనికి ఆ విషయం తెలిసింది.

