S.V. Krishna Reddy receiving a memento from the Telugu Book of Records International.
సకుటుంబ కథా చిత్రాలతో తెలుగు తెరకు మిరుమిట్లు గొలిపే విజయాలు అందించిన దిగ్దర్శకులు ఎస్వీ కృష్ణారెడ్డి ప్రస్తుతం తన 43వ సినిమా "వేదవ్యాస్" రూపొందిస్తున్నారు."వేదవ్యాస్" సినిమా ప్రస్తుతం చిత్రీకరణ పూర్తి చేసుకుని పోస్ట్ ప్రొడక్షన్ కార్యక్రమాలు జరుపుకుంటోంది. ఈ రోజు దర్శకులు ఎస్వీ కృష్ణారెడ్డి 75వ జన్మదినోత్సవం సందర్భంగా హైదరాబాద్ ఫిలింనగర్ కల్చరల్ సెంటర్ లో పుట్టినరోజు వేడుకలతో పాటు "వేదవ్యాస్" సినిమా మేకింగ్ వీడియో లాంఛ్ చేశారు. 38 చిత్రాలకు సంగీత దర్శకత్వం వహించిన దర్శకుడిగా ఎస్వీ కృష్ణారెడ్డికి తెలుగు బుక్ ఆఫ్ రికార్డ్స్ ఇంటర్నేషనల్ నుంచి వరల్డ్ రికార్డ్ గుర్తింపు పత్రాన్ని అందజేశారు. పలువురు టాలీవుడ్ సెలబ్రిటీలు ఈ కార్యక్రమంలో అతిథులుగా పాల్గొన్నారు. ఈ సందర్భంగా
నిర్మాత కొమ్మూరి ప్రతాపరెడ్డి మాట్లాడుతూ, పిల్లల నుంచి పెద్దల దాకా ఎస్వీ గారి సినిమాలను ఆస్వాదించారు. నేను సినిమా ఇండస్ట్రీలోకి రావడానికి కారణం ఎస్వీ కృష్ణారెడ్డి గారు, అచ్చిరెడ్డి గారు. మన వేదాల గొప్పదనం, వాటి వెనక ఉన్న సైన్స్ గురించి చెబుతూ కృష్ణారెడ్డి గారు "వేదవ్యాస్" కథ సిద్ధం చేశారు. ఇలాంటి కథతో సినిమా చేస్తే నేటి సమాజానికి మంచిని చెప్పినట్లవుతుందని ఆయన నాతో అన్నారు. నేను వెంటనే మూవీ చేసేందుకు అంగీకరించాను.
ఈ సినిమా కోసం నిర్మాతగా ఆయన ఏది చెబితే అది ఫాలో అయ్యాను. "వేదవ్యాస్" సినిమా షూటింగ్ పూర్తయింది. మూవీ చాలా బాగా వచ్చింది. మా సినిమాకు పనిచేసిన ప్రతి ఒక్కరికీ థ్యాంక్స్ చెబుతున్నా. తను దర్శకత్వం వహించిన 42 చిత్రాల్లో 38 సినిమాలకు సంగీతం అందించిన రికార్డ్ ఆయనకే సొంతం. అందుకే తెలుగు బుక్ ఆఫ్ రికార్డ్స్ ఇంటర్నేషనల్ వారు వరల్డ్ రికార్డ్ గుర్తింపు అందజేశారు. కృష్ణారెడ్డి గారు నూరేళ్లు సంతోషంగా జీవించాలి. మరెన్నో విజయాలు సాధించాలి. ఆ ప్రయాణంలో మేమూ ఉండాలని కోరుకుంటున్నాం. అన్నారు.
దర్శకులు ఎస్వీ కృష్ణారెడ్డి మాట్లాడుతూ - ఇంతమంది నిర్మాతలు, దర్శకులు, నటీనటులు అతిథులుగా వచ్చారు కాబట్టే ఈరోజు నా పుట్టినరోజు కార్యక్రమం ఇంత ఘనంగా జరుపుకున్నాం. నా పుట్టినరోజున నా మ్యూజిక్ కు ఒక రికార్డ్ దక్కింది. తెలుగు బుక్ ఆఫ్ రికార్డ్స్ ఇంటర్నేషనల్ వారి నుంచి మెమొంటో అందుకున్నాను. ఇంతకంటే అదృష్టం ఇంకేం కావాలి. మీరంతా ఈ కార్యక్రమాన్ని సక్సెస్ చేశారు. నా రాబోయో వేదవ్యాస్ సినిమాను కూడా సక్సెస్ చేస్తారు. మీ అందరికీ కృతజ్ఞతలు చెబుతున్నా. అన్నారు.
నిర్మాత అచ్చిరెడ్డి మాట్లాడుతూ, ప్రొడ్యూసర్ కొమ్మూరి ప్రతాపరెడ్డి గారు కృష్ణారెడ్డి గారి మీద ఉన్న ప్రేమ, అభిమానం, నమ్మకంతో వేదవ్యాస్ సినిమాను రూపొందించేందుకు సంపూర్ణమైన స్వేచ్ఛ, సహకారం, ప్రోత్సాహం ఇచ్చారు. ఆ సహకారంతోనే ఒక ఛాలెంజ్ గా తీసుకుని ఈ సినిమా చేస్తున్నాం. వేదవ్యాస్ సినిమా మా అందరికీ కమ్ బ్యాక్ మూవీ అవుతుంది. కృష్ణారెడ్డి గారి పవర్, ఆయన ఆలోచనా ధోరణి ఏంటి అనేది ప్రేక్షకులు తెలియజేయాలి అనే తపనతో గత నాలుగైదు ఏళ్లుగా ఈ స్క్రిప్ట్ మీద వర్క్ చేస్తూ వచ్చాం. వేదవ్యాస్ స్క్రిప్ట్ విషయంలో పరుచూరి గోపాలకృష్ణగారు, సత్యానంద్ గారు, మరెంతోమంది తమ సహకారం, ప్రోత్సాహం అందించారు. ఈ రోజు మా ఈవెంట్ లో పాల్గొన్న ప్రతి ఒక్కరికీ థ్యాంక్స్. మీరంతా రావడం వల్లే ఒక ఫ్యామిలీ వాతావరణం ఈ కార్యక్రమంలో ఏర్పడింది. అన్నారు.
సీనియర్ నటులు మురళీమోహన్ మాట్లాడుతూ, ఎస్వీ కృష్ణారెడ్డి గారు వంద చిత్రాలకు దర్శకత్వం వహించాలి. అచ్చిరెడ్డి, కృష్ణారెడ్డి స్నేహం ఇలాగే చిరకాలం కొనసాగాలి. మన వేదాలు, సంస్కృతి గొప్పదనం చెబుతూ కృష్ణారెడ్డి వేదవ్యాస్ సినిమాను రూపొందించడం అభినందనీయం. ఈ సినిమాతో టాలీవుడ్ కు వస్తున్న నిర్మాత కొమ్మూరి ప్రతాపరెడ్డి గారికి స్వాగతం చెబుతున్నాం. కృష్ణారెడ్డి గారు దర్శకుడిగా వంద చిత్రాలు పూర్తి చేయాలి. అన్నారు.
దర్శకుడు రేలంగి నరసింహారావు మాట్లాడుతూ - నేను విజయా సంస్థలో పనిచేశాను. అక్కడ నాగిరెడ్డి చక్రపాణి అనుబంధం చూసినవాడిని. కృష్ణారెడ్డి, అచ్చిరెడ్డిని చూస్తుంటే వాళ్లే గుర్తుకువస్తారు. ఈరోజున వస్తున్న సినిమాలు, వాటి టైటిల్స్ చూస్తుంటే ఒకప్పుడు కృష్ణారెడ్డి గారు గొప్ప ఫ్యామిలీ ఎంటర్ టైనర్స్ తో స్వర్ణయుగం సృష్టించారు అనిపిస్తోంది. ఈ రోజు వారి పుట్టినరోజు కార్యక్రమం చూస్తుంటే మళ్లీ ఆ స్వర్ణయుగం వచ్చిందని అనిపిస్తోంది. మన రామాయణం, మహాభారతం, వేదాలు..చాలా గొప్పవి. మన సంస్కృతిలోని గొప్పదనం చాటేలా వేదవ్యాస్ సినిమాను రూపొందిస్తున్న ఎస్వీకి, ఈ సినిమాను నిర్మిస్తున్న ప్రతాపరెడ్డి గారికి అభినందనలు. అన్నారు.
నటి లయ మాట్లాడుతూ - ఇళయరాజా గారి మ్యూజిక్ కు ఎలా అభిమానులు ఉంటారో, ఎస్వీ కృష్ణారెడ్డి గారి పాటలకు కూడా అలాగే సెపరేట్ ఫ్యాన్స్ ఉంటారు. నేనూ ఆయన సంగీతానికి అభిమానిని. ఎస్వీ గారి దర్శకత్వంలో రెండు చిత్రాల్లో నటించాను. మరిన్ని మూవీస్ చేస్తే బాగుండును అని అనిపిస్తుంటుంది. ఎస్వీ గారికి 75వ పుట్టినరోజు శుభాకాంక్షలు. అన్నారు.
నటుడు శ్రీకాంత్ మాట్లాడుతూ - ఎస్వీ గారి దర్శకత్వంలో ఎక్కువ చిత్రాల్లో హీరోగా నటించే అదృష్టం నాకే దక్కింది. ఆయన 75వ పుట్టిరోజు వేడుకుల్లో మేమంతా పాల్గొనడం చాలా సంతోషంగా ఉంది. కృష్ణారెడ్డి గారు ప్రస్తుతం వేదవ్యాస్ అనే సినిమా రూపొందిస్తున్నారు. ఈ సినిమా ఘన విజయం సాధించాలని కోరుకుంటున్నా. ఎస్వీ గారు మరెన్నో చిత్రాలను రూపొందించాలి. అన్నారు.
నటుడు జేడీ చక్రవర్తి మాట్లాడుతూ - ఎస్వీ కృష్ణారెడ్డి గారి దర్శకత్వంలో నటించే అవకాశం రావడం చాలా హ్యాపీగా ఉంది. ఆయన గొప్ప కథకుడు. ఆయన కథ చెప్పే విధానం చాలా బ్యూటిఫుల్ గా ఉంటుంది. సరదాగా మనం ఏదైనా పాయింట్ మీద కథ చెప్పమన్నా అద్భుతంగా చెబుతారు. ఆయనకు పుట్టినరోజు శుభాకాంక్షలు చెబుతున్నా. అన్నారు.
నటుడు అలీ మాట్లాడుతూ - జూనియర్ ఆర్టిస్ట్ దగ్గర నుంచి హీరో దాకా ఒకేలా గౌరవించే గొప్ప మనసున్న వ్యక్తి ఎస్వీ గారు. ఆయన చీమకు కూడా హాని చేయరు. 42 చిత్రాల్లో 38 సినిమాలకు సంగీతం అందించడం మామూలు విషయం కాదు. ఆయనతో మా అందరిదీ 35 ఏళ్ల జర్నీ. ఈ రోజు ఈ కార్యక్రమంలో పాల్గొన్న మేమంతా చిన్నపిల్లలయ్యాం. ఆయన వందో పుట్టినరోజు కూడా మేమంతా హాజరవ్వాలి. కృష్ణారెడ్డి గారి వేదవ్యాస్ సినిమా ఘన విజయం సాధించాలి. అన్నారు.