نئی دہلیعام آدمی پارٹی میں اندرونی کشیدگی کم ہونے کا نام نہیں لے رہی ہے۔ اب راگھو چڈھا نے ایک نیا ویڈیو جاری کرتے ہوئے پارٹی کے الزامات کا جواب دیا ہے۔ راگھو چڈھا نے کہا کہ کل سے میرے خلاف ایک اسکرپٹڈ مہم چلائی جا رہی ہے۔ ایک جیسی زبان، ایک جیسے الزامات یہ سب ایک سوچی سمجھی مہم ہے۔ انہوں نے کہا کہ عام آدمی پارٹی نے ان پر تین الزامات لگائے ہیں اور انہی الزامات کی وجہ سے انہیں پارلیمنٹ میں بولنے سے روکا گیا۔ویڈیو کے تھمب نیل پر راگھو چڈھا نے لکھا کہ زخمی ہوں، اس لیے خطرناک ہوں پہلا الزام: اپوزیشن کے واک آؤٹ میں ساتھ نہ دینا اس الزام پر ردعمل دیتے ہوئے راگھو چڈھا نے کہا کہ یہ سراسر جھوٹ ہے کہ میں اپوزیشن کے واک آؤٹ کے دوران اپنی جگہ پر بیٹھا رہتا ہوں۔انہوں نے چیلنج کرتے ہوئے کہا کہ پارٹی ایک بھی موقع بتائے جب اپوزیشن نے واک آؤٹ کیا ہو اور انہوں نے ساتھ نہ دیا ہو۔ "پارلیمنٹ میں ہر جگہ سی سی ٹی وی کیمرے ہیں، فوٹیج نکال کر دکھا دیں کہ میں نے ساتھ نہیں دیا۔