نئی دہلیامریکہ کے صدر ڈونالڈ ٹرمپ نے کہا ہے کہ ان کے چینی ہم منصب شی جن پنگ کا یہ اندازہ ''100 فیصد درست'' تھا کہ امریکہ زوال کی طرف بڑھ رہا تھا، لیکن ان کی یہ بات سابق صدر جو بائیڈن کے دورِ حکومت کے تناظر میں تھی۔ ٹرمپ نے 'ٹروتھ سوشل' پر ایک پوسٹ میں کہا کہ جب صدر شی نے نہایت شائستگی کے ساتھ امریکہ کو ممکنہ طور پر زوال کی طرف بڑھنے والا ملک قرار دیا تو ان کا اشارہ سست رفتار جو بائیڈن اور بائیڈن انتظامیہ کے چار سالہ دور کے دوران ہمیں ہونے والے بھاری نقصان کی طرف تھا، اور اس معاملے میں وہ 100 فیصد درست تھے۔انہوں نے کہا کہ امریکہ کو ''کھلی سرحدوں، زیادہ ٹیکس، ٹرانس جینڈر پالیسی، خواتین کے کھیلوں میں مردوں کی شرکت، تنوع-مساوات-شمولیت (ڈی ای آئی)، خراب تجارتی معاہدوں، بے قابو جرائم اور ایسی کئی دیگر چیزوں سے بھاری نقصان اٹھانا پڑا ہے۔ ٹرمپ نے دعویٰ کیا کہ ان کی انتظامیہ کے پہلے 16 مہینوں کے دوران امریکہ نے ''ناقابلِ یقین ترقی'' دیکھی ہے۔ انہوں نے ریکارڈ سطح پر پہنچتی اسٹاک مارکیٹ، فوجی کامیابیوں، دوبارہ مضبوط ہوتی معیشت اور تیزی سے بڑھتی روزگار مارکیٹ کا ذکر کیا۔ٹرمپ نے وینزویلا میں فوجی کامیابی اور اس کے ساتھ مضبوط ہوتے تعلقات کی بھی تعریف کی۔ ساتھ ہی انہوں نے ایران کی ''فوجی تباہی'' کا بھی ذکر کیا۔ انہوں نے کہا کہ صدر شی جن پنگ اس ناقابلِ یقین ترقی کی بات نہیں کر رہے تھے جسے ٹرمپ انتظامیہ کے 16 شاندار مہینوں کے دوران امریکہ نے دنیا کے سامنے پیش کیا ہے۔ ٹرمپ نے کہا کہ دو سال پہلے واقعی ہم زوال کی طرف بڑھ رہے تھے۔ اس معاملے میں میں صدر شی سے مکمل اتفاق کرتا ہوں۔