نئی دہلیایران کے وزیر خارجہ عباس عراقچی نے جمعہ کو کہا کہ ہندوستان مغربی ایشیا میں امن کے قیام کے لیے ''بڑا کردار'' ادا کر سکتا ہے۔انہوں نے یہاں صحافیوں سے گفتگو کرتے ہوئے کہا کہ ایران سے متعلق کسی بھی معاملے کا کوئی فوجی حل نہیں ہے۔ انہوں نے کہا کہ ایران ہرمز آبنائے سے تمام جہازوں کی محفوظ گزرگاہ کو یقینی بنانے کے لیے تیار ہے۔ انہوں نے یہ بھی کہا کہ ہرمز آبنائے میں اس وقت صورتحال انتہائی پیچیدہ ہے۔برکس اجلاس میں شرکت کے لیے نئی دہلی میں موجود عراقچی نے کہا کہ مغربی ایشیا کے بحران کا حل صرف مذاکرات کے ذریعے ہی ممکن ہے، اس کے علاوہ کوئی راستہ نہیں۔ انہوں نے کہا کہ ہم ہندوستان کے کسی بھی تعمیری کردار کا خیر مقدم کریں گے۔ امریکہ کے ساتھ مذاکرات کے حوالے سے انہوں نے کہا کہ یہ عمل ''اعتماد کی کمی'' کی وجہ سے متاثر ہو رہا ہے۔ ان کا کہنا تھا، ''ایران کے پاس امریکہ پر اعتماد نہ کرنے کی تمام وجوہات موجود ہیں، جبکہ امریکیوں کے پاس ہم پر اعتماد کرنے کی تمام وجوہات ہیں۔ عراقچی نے کہا کہ پاکستان کی ثالثی ابھی تک ناکام نہیں ہوئی۔ انہوں نے یہ بھی کہا کہ ایران نے کبھی بھی جوہری ہتھیار حاصل کرنے کی خواہش نہیں رکھی۔