نئی دہلماروتی سوزوکی انڈیا لمیٹد نے پیر کے روز اعلان کیا کہ ہریانہ میں واقع اپنی کھرکھودہ مینوفیکچرنگ یونٹ کے دوسرے پلانٹ میں تجارتی پیداوار شروع کر دی گئی ہے۔موٹر گاڑی بنانے والی کمپنی نے ایک بیان میں کہا کہ دوسرے پلانٹ کی سالانہ پیداواری صلاحیت 2.5 لاکھ یونٹس ہے، جس کے بعد کھرکھودہ یونٹ کی مجموعی صلاحیت بڑھ کر 5 لاکھ یونٹس ہو گئی ہے۔ نئے پلانٹ کے آغاز کے ساتھ ہی گروگرام، مانیسر اور کھرکھودہ (ہریانہ) کے ساتھ ساتھ ہنسل پور (گجرات) میں قائم کمپنی کے تمام پلانٹس کی مجموعی سالانہ پیداواری صلاحیت بڑھ کر 26.5 لاکھ یونٹس تک پہنچ گئی ہے۔کمپنی نے کہا کہ مکمل طور پر فعال ہونے کے بعد کھرکھودہ پلانٹ، بنیادی کمپنی سوزوکی کے سب سے بڑے چار پہیہ گاڑیوں کے مینوفیکچرنگ مراکز میں شامل ہوگا، جہاں سالانہ 10 لاکھ گاڑیاں تیار کرنے کی صلاحیت ہوگی۔ ملک کی سب سے بڑی کار ساز کمپنی نے اس سے قبل کہا تھا کہ وہ مالی سال 2026-27 میں مزید 5 لاکھ یونٹس کی اضافی پیداواری صلاحیت شامل کرنے کا منصوبہ رکھتی ہے۔کمپنی اس وقت اس پلانٹ میں کمپیکٹ ایس یو وی ماروتی سوزوکی اور مڈ-ایس یو وی وکٹورس کی تیاری کر رہی ہے۔