کیفیوکرین نے بدھ کی رات ڈرون حملوں کے ذریعے روس کے اندر واقع ایک آئل ریفائنری کو نشانہ بنایا، جس کے نتیجے میں وہاں آگ بھڑک اٹھی اور دھوئیں کے بڑے بادل اٹھتے ہوئے دیکھے گئے۔ یوکرین کے صدر زیلینسکی نے جمعرات کو یہ دعویٰ کیا۔ روس کی اہم تیل کی صنعت کو طویل فاصلے تک مار کرنے والے ہتھیاروں سے نشانہ بنانے کا یہ یوکرین کا تازہ ترین حملہ ہے۔زیلنسکی نے سوشل میڈیا پر حملے کی ایک مبینہ ویڈیو شیئر کرتے ہوئے کہا کہ یوکرینی ڈرونز نے روس کے اندر 800 کلومیٹر سے زیادہ فاصلے پر واقع سوزین آئل ریفائنری کو نشانہ بنایا۔ تاہم، زیلنسکی کی جانب سے شیئر کی گئی ویڈیو کی آزاد ذرائع سے تصدیق نہیں ہو سکی ہے۔دوسری جانب روس کے سمارا اوبلاست کے گورنر نے کہا کہ سیزران میں یوکرینی ڈرون حملے کے نتیجے میں دو افراد ہلاک ہوئے ہیں، تاہم انہوں نے آئل ریفائنری کا کوئی ذکر نہیں کیا۔روسی خبر رساں ادارے استرا کے مطابق، یوکرین نے ڈرون حملے میں روس کی بڑی تیل و گیس کمپنی روزنیفٹ کی ملکیت والی سیزران آئل ریفائنری کو نشانہ بنایا۔