بنچ نے عرضی خارج کرتے ہوئے کہا: "معاف کیجیے، ہم اس میں مداخلت نہیں کریں گے۔" 25 مارچ کو الٰہ آباد ہائی کورٹ نے سوامی اویمکتیشورانند اور ان کے شاگرد مکندانند برہمچاری کو اس مقدمے میں پیشگی ضمانت دی تھی۔ اسی کے ساتھ ہائی کورٹ نے شکایت کنندہ اور ملزمان دونوں کو ہدایت دی تھی کہ وہ اس معاملے سے متعلق میڈیا میں کوئی عوامی بیان نہ دیں۔ عدالت نے ملزمان کو جاری تفتیش میں تعاون کرنے کا بھی حکم دیا تھا۔

یہ معاملہ پریاگ راج کے جھونسی پولیس اسٹیشن میں درج ایک ایف آئی آر سے متعلق ہے، جو پوکسو عدالت کی ہدایت پر درج کی گئی تھی۔ شکایت میں الزام لگایا گیا تھا کہ ملزمان نے کئی 'بٹکوں' یعنی کم عمر شاگردوں کا جنسی استحصال کیا۔