نتیش کمارنے اسی سال یعنی 2026 کے مہینے میں وزیراعلیٰ کا عہدہ چھوڑدیا تھا۔ اب کرسی چھوڑنے کے بعد 21 جون کوپارٹی کی بڑی میٹنگ ہونے جا رہی ہے۔ پٹنہ میں جے ڈی یوکی نیشنل ایگزیکیٹیوکا اجلاس ہوگا۔ یہ ایک کھلا اجلاس ہوگا۔ پٹنہ واقع ریاستی دفترکے کرپوری آڈیٹوریم میں یہ میٹنگ ہونی ہے۔ جانکاری کے مطابق، 21 جون کو جے ڈی یو کی الگ الگ تنظیمی سطح کی میٹنگیں ہوں گی۔

بتایا جاتا ہے کہ جے ڈی یوکی نیشنل کونسل نتیش کمارکے جے ڈی یوکے قومی صدرکے انتخاب کوباضابطہ طورپرمنظوری دے گی۔ اجلاس میں تنظیم سازی اورآئندہ کی حکمت عملی پربھی غورکیا جائے گا۔

کب سے کب تک ہوگی میٹنگ؟

21 جون کوسبکدوش ہونے والے قومی عہدیداران صبح 10:00 بجے سے 10:30 بجے تک ملاقات کریں گے۔ سبکدوش ہونے والی نیشنل ایگزیکٹیوکا اجلاس صبح 10:30 سے ​​11:30 بجے تک ہوگا۔ نومنتخب بہاراسٹیٹ کونسل کی میٹنگ صبح 11:45 بجے سے ہوگی۔ نومنتخب نیشنل کونسل کا اجلاس سہ پہر3:00 بجے سے 4:00 بجے تک ہوگا اورکھلا اجلاس شام 4:00 بجے سے 5:00 بجے تک ہوگا۔ جے ڈی یوکے قومی، ریاستی اورضلعی سطح کے اہم عہدیداران، نیشنل کونسل اورریاستی کونسل کے رکن شامل ہوں گے۔ میٹنگ میں تنظیم کی آئندہ کی حکمت عملی، سات نشائے 3 کی قراردادوں کوعوام تک پہنچانے، ترقی یافتہ بہارکی تعمیراورآئندہ سیاسی اورتنظیمی پروگراموں پربھی تبادلہ خیال کیا جائے گا۔

بھارت ایکسپریس اردو-