نئی دہلی : بالی ووڈ کے ہیرو نمبر ون گووندا اور ان کی اہلیہ سنیتا آہوجا کے درمیان مبینہ اختلافات کی خبریں ایک بار پھر سرخیوں میں ہیں۔ بدھ کے روز سنیتا آہوجا کو ممبئی کی فیملی کورٹ کے باہر دیکھا گیا، جہاں وہ اپنے بیٹے یش وردھن کے ساتھ موجود تھیں۔ سنیتا عام طور پر میڈیا کے سامنے کھل کر بات کرتی ہیں، قابل ذکر بات یہ ہے کہ اس مرتبہ وہ کافی پریشان اور خاموش دکھائی دیں۔
فیملی کورٹ کے باہر نظر آئیں سنیتا
19 اگست کو سنیتا آہوجا کی ایک ویڈیو سوشل میڈیا پر سامنے آئی، جس میں وہ فیملی کورٹ سے باہر نکلتی ہوئی نظر آرہی ہیں۔ جیسے ہی پاپارازی نے انہیں دیکھا، وہ کیمرے لے کر ان کے قریب پہنچ گئے۔ رپورٹرز نے سنیتا سے عدالت میں ہونے والی کارروائی کے بارے میں سوال کیا اور پوچھا کہ کیا وہ کچھ بتانا چاہیں گی۔سوال سنتے ہی سنیتا ن غصہ بھر ے انداز میں کیمرے کی طرف دیکھا۔ اسی دوران ان کے بیٹے یش نے مداخلت کرتے ہوئے کہا کہ کچھ نہیں ہوا، انہیں جانے دیں۔ اس کے بعد یش اپنی والدہ کو میڈیا سے بچاتے ہوئے انہیں گاڑی تک لے گئے۔گاڑی میں بیٹھنے سے پہلے سنیتا نے قدرے جھنجھلائے ہوئے انداز میں کہا کہ وہ سالگرہ منانے گئی تھیں اور اس کے بعد گاڑی میں بیٹھ کر وہاں سے روانہ ہوگئیں۔ ویڈیو سامنے آنے کے بعد سوشل میڈیا پر ایک بار پھر قیاس آرائیاں شروع ہوگئی ہیں کہ کیا گووندا اور سنیتا کے درمیان طلاق کی کارروائی آگے بڑھ رہی ہے۔
طلاق کی خبروں نے پھر پکڑا زور
سنیتا کے فیملی کورٹ پہنچنے کے بعد سوشل میڈیا یوزر مختلف قیاس آرائیاں کررہے ہیں۔ بعض لوگوں کا کہنا ہے کہ سنیتا نے اب اپنے لیے مضبوط موقف اختیار کیا ہے، جب کہ کچھ یوزر کا خیال ہے کہ اگر میاں بیوی کے درمیان اختلافات بڑھ گئے ہیں تو الگ رہنا بہتر ہے۔ قابل ذکر بات یہ ہے کہ سنیتا کے فیملی کورٹ جانے کی اصل وجہ اور وہاں کیا کارروائی ہوئی، اس بارے میں فی الحال کوئی واضح سرکاری یا عدالتی تفصیل سامنے نہیں آئی ہے۔
1987 میں ہوئی تھی گووندا اور سنیتا کی شادی
گووندا اور سنیتا آہوجا کی شادی 1987 میں ہوئی تھی۔ دونوں کے دو بچے ہیں، بیٹی ٹینا اور بیٹا یش وردھن۔ گزشتہ کچھ عرصے سے دونوں کے درمیان مبینہ اختلافات کی خبریں سامنے آتی رہی ہیں۔ دسمبر 2024 میں بھی یہ خبر سامنے آئی تھی کہ سنیتا نے ممبئی کی باندرہ فیملی کورٹ میں طلاق کی درخواست دائر کی ہے۔ قابل ذکر بات یہ ہے کہ اس کے بعد دونوں جانب سے طلاق کی خبروں کی تردید یا وضاحت سامنے آتی رہی۔
ازدواجی تعلقات پر سنیتا کے بیانات
سنیتا آہوجا مختلف انٹرویوز میں گووندا کے مبینہ اضافی ازدواجی تعلقات اور دیگر خواتین کے ساتھ ان کی قربت کے حوالے سے بھی بات کرتی رہی ہیں۔ حال ہی میں گووندا کو اپنی فلم کی ہیروئن کومل کے ساتھ ایئرپورٹ پر دیکھے جانے کے بعد سنیتا نے سخت ردعمل دیا تھا۔ انہوں نے گووندا پر تنقید کرتے ہوئے کہا تھا کہ وہ بیٹی کی عمر کی لڑکی کے ساتھ گھومتے ہیں، جس پر انہیں شرم آنی چاہیے۔اس کے بعد گووندا نے ایک ویڈیو شیئر کرتے ہوئے سنیتا کو حدود میں رہنے کا مشورہ دیا تھا۔ دونوں کے درمیان ایسے بیانات کے بعد ان کے تعلقات کو لے کر قیاس آرائیاں مزید تیز ہوگئی تھیں۔ قابل ذکر بات یہ ہے کہ فیملی کورٹ میں سنیتا کی حالیہ موجودگی کے باوجود یہ کہنا قبل از وقت ہوگا کہ دونوں کی طلاق حتمی ہوچکی ہے۔ اس بارے میں حتمی صورتحال سنیتا یا گووندا کے باضابطہ بیان کے بعد ہی واضح ہوسکے گی۔
بھارت ایکسپریس اردو