احمد آباد: انڈین پریمیئر لیگ (آئی پی ایل) 2026 کے فائنل میں رائل چیلنجرز بنگلورو (آر سی بی) نے گجرات ٹائٹنز (جی ٹی) کے خلاف ٹاس جیت کر پہلے گیندبازی کرنے کا فیصلہ کیا ہے۔ دونوں ٹیمیں یہ مقابلہ جیت کر دوسری مرتبہ آئی پی ایل کا خطاب اپنے نام کرنا چاہیں گی۔ نریندر مودی اسٹیڈیم میں کھیلے جا رہے فائنل میچ میں آر سی بی نے اپنی ٹیم میں کوئی تبدیلی نہیں کی۔

ٹاس کے بعد آر سی بی کے کپتان رجت پاٹیدار نے کہا، ''ہم پہلے گیندبازی کریں گے۔ وکٹ کافی اچھی نظر آ رہی ہے اور مجھے نہیں لگتا کہ میچ کے دوران اس میں زیادہ تبدیلی آئے گی۔ گزشتہ سال کی بہت سی یادیں اس میدان سے وابستہ ہیں۔ یہ میچ جیتنے کے لیے ہمیں اپنا بہترین کھیل پیش کرنا ہوگا۔ موجودہ لمحے میں رہنا بہت ضروری ہے اور ہم انہی چیزوں پر توجہ دیں گے جو ہمارے کنٹرول میں ہیں۔ مجھے اس اسٹیڈیم میں کھیلنا ہمیشہ پسند رہا ہے۔ ہماری ٹیم میں کوئی تبدیلی نہیں کی گئی۔''

گجرات ٹائٹنز کی بھی پہلے بیٹنگ کی خواہش

دوسری جانب گجرات ٹائٹنز کے کپتان شبمن گل نے کہا، ''اگر ہم ٹاس جیتتے تو پہلے بیٹنگ ہی کرتے۔ یہ ایک متوازن وکٹ ہے اور ہم یہاں اس سیزن کا تیسرا میچ کھیل رہے ہیں۔ ابتدائی تین اوورز میں فاسٹ بولرز کو کچھ مدد مل سکتی ہے۔ یہ دنیا کے سب سے بڑے اسٹیڈیمز میں سے ایک ہے۔'' انہوں نے مزید بتایا کہ ٹیم میں ایک تبدیلی کی گئی ہے اور سائی کشور کی جگہ ارشد خان کو شامل کیا گیا ہے۔

اس سیزن میں آر سی بی کا پلڑا بھاری