Thursday, 04 Mar, 9.10 pm Hind Samachar

ہند سماچار
فلم کمپنیوں نے 350 کروڑ کی ٹیکس چوری کی، تاپسی کے پاس سے 5 کروڑ نقد ملے: محکمہ انکم ٹیکس

نیشنل ڈیسک: محکمہ انکم ٹیکس کے ذریعہ چھاپے میں اداکارہ تاپسی پنوں کے یہاں سے 5 کروڑ روپے نقد ملنے کی جانکاری ملی ہے ، جبکہ دو پروڈکشن ہاؤسز نے 300 کروڑ سے زائد پیسوں کے بارے میں صحیح جانکاری نہیں دی ہے ۔ محکمہ نے آج یہاں جاری ایک بیان میں یہ جانکاری دیتے ہوئے کہا کہ بالی وڈ اداکارہ کے 5 کروڑ روپے نقد لینے کے شواہد ملے ہیں۔


محکمہ نے بتایا کہ کل دو پروڈکشن ہاؤس سانگ اور دو ٹیلنٹ ہنٹ کمپنیوں اور ایک بالی وڈ اداکارہ پر چھاپے ماری کی کارروائی کی گئی تھی ۔ چھاپے ماری ممبئی ، پونے ، دہلی اور حیدرآباد میں کئے گئے تھے۔ جس گروپ پر یہ چھاپے ماری کی گئی وہ گروپ موشن پکچر ، ویب سیریز ، اداکاری ، ڈائریکشن اور سیلیبرٹیز کے ٹیلنٹ مینجمنٹ کا کام کرتا ہے ۔ کل ملا کر 28 احاطوں پر چھاپے ماری کی گئی ، جس میں مقامی احاطے اور ادفاتر شامل ہیں ۔


محکمہ نے بتایا کہ تلاشی کے دوران ، پروڈکشن ہاؤس کے ذریعہ باکس آفس پر جمع کی گئی اصل رقم میں ہیرا پھیری کے ثبوت ملے ہیں۔ کمپنی کے افسر تقریباً 300 کروڑ روپے کے معاملے میں صحیح سے کوئی جواب نہیں دے پائے ہیں ۔محکمہ نے بتایا کہ پروڈکشن ہاؤس کے فلم ڈائریکٹرز اور شیئر ہولڈرز کے مابین شیئر لین دین کو کم دکھا یا گیا ہے اور دھاندلی کی گئی۔ تلاشی کے دوران 7 لاکر ملے ہیں جن پر روک لگائی گئی ہے ، اس کے ساتھ ہی ، بڑے پیمانے پر دونوں ٹیلنٹ مینجمنٹ کمپنیوں سے ڈیجیٹل ڈیٹا ضبط کئے گئے ہیں ۔ ابھی اس معاملے کی تفتیش جاری ہے۔

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Hind Samachar Urdu
Top