دراصل، سندھیا اپنے چار روزہ دورے کے دوران علاقے میں کئی پروگراموں میں شرکت کر رہے ہیں۔ اسی سلسلے میں انہوں نے اشوک نگر-پِپرئی روڈ پر تقریباً 7.06 کروڑ روپے کی لاگت سے تعمیر کردہ اور ندی پل اور گرام پنچایت کجرائی کے نو تعمیر شدہ عمارت کا افتتاح کیا۔ پروگرام میں ان منصوبوں کو بڑی کامیابی کے طور پر پیش کیا گیا۔

تاہم، ریکارڈ کی چھان بین کرنے پر معلوم ہوا کہ 08 مارچ کو وزیراعلیٰ ڈاکٹر موہن یادو نے کریلا دھام کے دورے کے دوران تقریباً 115 کروڑ 35 لاکھ روپے کے ترقیاتی کاموں کا ڈیجیٹل افتتاح کیا تھا۔ اس فہرست میں اور ندی پل اور کجرائی پنچایت بھون بھی شامل تھے۔ اس وقت اسٹیج پر انچارج وزیر راکیش شکلا اور سابق رکن پارلیمنٹ ڈاکٹر کے پی یادو بھی موجود تھے۔

اس پورے واقعے نے کئی سوالات کھڑے کر دیے ہیں۔ سب سے بڑا سوال یہ ہے کہ جب ان منصوبوں کا پہلے ہی باضابطہ افتتاح ہو چکا تھا، تو دوبارہ پروگرام کی اجازت کیسے ملی؟ کیا یہ انتظامی چوک ہے یا پھر سیاسی سطح پر تال میل کی کمی؟ سیاسی گلیاروں میں اس معاملے کو لے کر چہ میگوئیاں عروج پر ہیں۔ کچھ اسے 'کریڈٹ لینے کی دوڑ' قرار دے رہے ہیں، تو کچھ اسے انتظامی لاپرواہی مان رہے ہیں۔ سوشل میڈیا پر بھی لوگ اس دوہرے افتتاح کو لے کر چٹخارے لے رہے ہیں۔

یہ معاملہ اب نہ صرف انتظامی طریقہ کار پر سوال کھڑا کر رہا ہے، بلکہ سیاسی ہم آہنگی کی صورتحال کو بھی بے نقاب کر رہا ہے۔ فی الحال، یہ دیکھنا دلچسپ ہوگا کہ اس پورے واقعے پر متعلقہ فریقین کی جانب سے کیا ردعمل سامنے آتا ہے۔

ہندوستھان سماچار

---------------

ہندوستان سماچار / انظر حسن