سلطان پور، 16 مئی (ہ س)۔ اتر پردیش کے سلطان پور کے مقامی سرکاری میڈیکل کالج میں اپنی بیٹی کے علاج کے لیے آنے والے اہل خانہ سے سیکیورٹی گارڈز کی جھڑپ ہو گئی۔ دراصل علاج میں لاپرواہی پر اہل خانہ برہم تھے۔ اس جھگڑے میں دونوں اطراف کے پانچ افراد زخمی ہو گئے۔

سٹی سرکل آفیسر سوربھ سمنت نے ہفتہ کو بتایا کہ خاندان نے امیٹھی ضلع کے پیپر پور کے ایک نوجوان دھیریندر یادو کی بیٹی خوشی یادو کو کل رات کوتوالی نگر کے ضلع اسپتال کے ایمرجنسی وارڈ میں داخل کرایا تھا۔ اہل خانہ علاج میں تساہلی کے معاملے پر ڈاکٹروں سے جھگڑنے لگے۔ جائے وقوعہ پر موجود سیکیورٹی گارڈز نے مداخلت کی جس سے اہل خانہ نے گارڈز پر حملہ کیا۔ شکایت موصول ہونے پر متعلقہ دفعات کے تحت مقدمہ درج کر لیا گیا ہے۔ اس معاملے میں چار افراد کو حراست میں لے لیا گیا ہے اور ان سے پوچھ گچھ کی جا رہی ہے۔ جائے وقوع پر صورتحال معمول پر ہے۔

ہندوستھان سماچار

---------------

ہندوستان سماچار / عبدالواحد