رانچی، 16 مئی (ہ س)۔ رانچی پولیس نے بھارتیہ جنتا پارٹی (بی جے پی) لیڈر انل ٹائیگر کے قتل معاملے میں اہم کامیابی حاصل کی ہے۔ معاملے میں 14 ماہ سے مفرور سپاری کلر سورج کو گرفتار کر لیا گیا ہے۔

پولیس ذرائع کے مطابق ملزم کافی عرصے سے مفرور تھا۔ پولیس اس کی گرفتاری کے لیے چھاپے مار رہی تھی۔اسی دوران ، رانچی پولیس نے ایک خفیہ اطلاع پر کارروائی کرتے ہوئے اسے کولکاتا سے گرفتار کر لیا۔

ملزم سورج پر بی جے پی لیڈر انل ٹائیگر کے قتل کی سازش اور اسے انجام دینے میں ملوث ہونے کا الزام ہے۔ وہ قتل کے بعد سے فرار تھا۔ پولیس گرفتار ملزمان سے پوچھ گچھ کر رہی ہے اورمعاملے میں ملوث دیگر افراد اور پورے نیٹ ورک کے بارے میں معلومات اکٹھی کر رہی ہے۔

ہندوستھان سماچار

ہندوستان سماچار / محمد شہزاد