کلیان میں کوڑا اٹھانے والی گاڑی کی زد میں آ کر دو سالہ بچے کی موت

ممبئی، 16 مئی (ہ س)۔ ممبئی سے متصل کلیان کے واسر گاؤں میں ایک دلخراش حادثے میں کوڑا اٹھانے والی گاڑی کی زد میں آ کر دو سالہ بچے کی موت ہو گئی۔ واقعے کی اطلاع ملتے ہی ہل لائن پولیس اسٹیشن کی ٹیم موقع پر پہنچ گئی اور معاملے کی جانچ شروع کر دی گئی۔

پولیس کے مطابق دو سالہ شیوم راٹھوڑ صبح اپنے گھر کے سامنے کھیل رہا تھا کہ اسی دوران ایک کوڑا اٹھانے والی گاڑی نے اسے کچل دیا۔ حادثے کے بعد گاڑی کا ڈرائیور موقع سے فرار ہو گیا۔

شدید طور پر زخمی ہونے والے بچے کی موقع پر ہی موت ہو گئی۔ اطلاع ملنے کے بعد پولیس ٹیم جائے حادثہ پر پہنچی اور بچے کی لاش تحویل میں لے کر پوسٹ مارٹم کے لیے روانہ کر دی۔ پولیس فرار ڈرائیور کی تلاش میں مصروف ہے اور مختلف مقامات پر اس کی تلاش جاری ہے۔ حادثے کے بعد گاؤں کے لوگوں میں شدید غم و غصہ پایا گیا اور انہوں نے کچرا گاڑیوں کے خلاف احتجاج بھی کیا، تاہم پولیس کی سمجھائش کے بعد صورتحال پر قابو پا لیا گیا۔

ہندوستھان سماچار

--------------------

ہندوستان سماچار / جاوید این اے