لکھنو، 17 مئی (ہ س)۔ گورکھپور کے اپنے مسلسل دوسرے دورے کے دوران، وزیر اعلی یوگی آدتیہ ناتھ نے اتوار کی صبح گورکھناتھ مندر میں منعقد جنتا درشن کے دوران مختلف اضلاع کے لوگوں سے ملاقات کی اور ان کے مسائل سنے۔ انہوں نے کہا کہ حکومت ہر فرد کے مسائل کے حل کے لیے پرعزم ہے۔

وزیراعلیٰ نے افسران کو ہدایت کی کہ وہ انتہائی تیزرفتاری اور حساسیت کے ساتھ اس بات کو یقینی بنائیں کہ بلا تفریق سب کو انصاف فراہم کیا جائے۔ عوامی فلاح و بہبود کی اسکیموں کے فوائد ہر اہل فرد کو ملیں، ضرورت مندوں کو مناسب علاج معالجہ فراہم کیا جائے اور زمینوں پر قبضہ کرنے والے لینڈ مافیا اور طاقتور افراد کے خلاف سخت کارروائی کی جائے۔

گورکھ ناتھ مندر کے مہنت دگ وجے ناتھ اسمرتی بھون کے باہر منعقدہ عوامی درشن پروگرام کے دوران وزیر اعلیٰ یوگی آدتیہ ناتھ نے تقریباً 150 لوگوں کے مسائل سنے۔ انہوں نے ان کی درخواستیں متعلقہ حکام کو بھیجیں، ان کے فوری اور تسلی بخش حل کی ہدایت کی، اور لوگوں کو یقین دلایا کہ ہر مسئلہ کو مو¿ثر طریقے سے حل کیا جائے گا۔

جنتا درشن کے دوران ایک خاتون نے اپنے خاندان کی خراب مالی صورتحال کا حوالہ دیا اور اپنی بیٹی کی شادی کے لیے مدد کی درخواست کی۔ جب وزیر اعلی یوگی آدتیہ ناتھ نے انہیں وزیر اعلی کی اجتماعی شادی کی اسکیم کے بارے میں بتایا، جس میں فی جوڑے ایک لاکھ روپے مختص کیے جاتے ہیں، تو وہ بہت خوش ہوئیں۔ انہوں نے وزیراعلیٰ سے درخواست کی کہ اسکیم کے فوائد ان کی بیٹی تک بھی پہنچائیں۔ سی ایم یوگی نے افسران کو ضروری طریقہ کار مکمل کرنے کی ہدایت دی۔

وزیر اعلیٰ یوگی آدتیہ ناتھ نے جنتا درشن پر آنے والے سنگین بیماریوں کے علاج کے لیے مالی مدد مانگ رہے کئی لوگوں سے کہا کہ پیسے کی کمی کی وجہ سے کسی کا علاج نہیں روکا جائے گا۔ انہوں نے عہدیداروں کو ہدایت دی کہ انتظامیہ فوری طور پر ضرورت مندوں کے لئے اعلیٰ سطحی علاج کے لئے تخمینہ تیار کرے اور فراہم کرے۔ تخمینہ موصول ہونے پر حکومت فوری طور پر فنڈز فراہم کرے گی۔ وزیراعلیٰ نے ریونیو اور امن و امان سے متعلق معاملات کو جلد حل کرنے کی ہدایت کی۔