تہران، 17 مئی (ہ س):۔

ایران جلد ہی آبنائے ہرمز سے گزرنے والے تجارتی جہازوں کو کنٹرول کرنے کے منصوبوں کا جلد انکشاف کرے گا۔ جس میں ان جہازوں سے ٹول وصول کرنے کی تجویز بھی شامل ہے۔ امریکی صدر ڈونالڈ ٹرمپ نے خبردار کیا ہے کہ ایران کو سخت وقت کا سامنا کرنا پڑے گا۔ اس کا مقابلہ کرتے ہوئے ایرانی پارلیمنٹ کے اسپیکر محمد باقر غالب نے کہا ہے کہ دنیا ایک نئی ترتیب کی دہلیز پر ہے۔

الجزیرہ اور تسنیم نیوز ایجنسی کی رپورٹس میں ایران کے تازہ ترین منصوبوں کا انکشاف ہوا ہے۔ ایران نے کہا ہے کہ امریکی ہتھیاروں کی کھیپ کو آبنائے ہرمز سے گزرنے کی اجازت نہیں دی جائے گی۔ ایران کے نائب صدر محمد رضا عارف نے کہا ہے کہ تہران آبنائے ہرمز پر اپنی خودمختاری سے دستبردار ہو کر ایسی غلطی کر چکا ہے اور آئندہ ایسا نہیں کرے گا۔

ایران نے اپنے عوام کو خبردار کیا ہے کہ وہ جنگ اور معاشی نقصان کے لیے تیار رہیں۔ وزیر خارجہ عباس عراقچی نے کہا کہ مذاکرات پٹری سے اتر گئے ہیں۔ ایران اب امریکہ کے ساتھ براہ راست فوجی تصادم کے لیے تیار ہے۔ عراقچی نے خبردار کیا کہ ایران پر مسلط کردہ جنگ امریکی خاندانوں کو متاثر کر رہی ہے۔

قازقستان نے انسانی امداد بھیجی

قازقستان نے ایران کو انسانی امداد بھیجی ہے۔ قازقستان کے صدر کے حکم پر بھیجی گئی اس کھیپ میں ڈبہ بند گوشت، چینی، آٹا، طبی آلات اور ادویات شامل ہیں۔ یہ امداد سرخس ریلوے اسٹیشن پر ایرانی ہلال احمر سوسائٹی کے حوالے کی گئی۔ ایران میں قازقستان کے سفیر اونتالپ اونل بائیف نے کہا کہ ایران قازقستان کے لیے ایک اہم سیاسی، اقتصادی اور انسانی شراکت دار ہے۔ یہ امداد ایک ایسے وقت میں دی گئی ہے جب ایران کو شدید اقتصادی دباو ¿ کا سامنا ہے۔ ایران کے سرکاری شماریاتی مرکز کے مطابق، جنگ سے متعلق رکاوٹوں کی وجہ سے سالانہ افراط زر تقریباً 53.7 فیصد تک بڑھ گیا ہے۔ خوراک کی قیمتوں میں گزشتہ سال کے مقابلے میں 115 فیصد سے زائد اضافہ ہوا ہے۔