بھاگلپور، 17 مئی (ہ س)۔ بھاگلپور میںبیچ گنگا ندی میں اتوار کے روز مسافروں سے بھری کشتی اچانک خراب ہوگئی ۔ کشتی بیچ گنگا میں رکتے ہی اس میں سوا ر لوگوں کے درمیان کچھ دیر کے لئے خوف و ہراس پھیل گیا۔بتایا جاتا ہے کہ مہادیو پور گنگا گھاٹ سے مسافروں کو لے کر کشتی بھاگلپور کے براری گنگا گھاٹ کی طرف جارہی تھی۔ گنگاندی کے بیچ میں کشتی کا انجن خراب ہو گیا جس سے وہ پھنس گئی۔ کشتی میں سوار مسافر گھبرا گئے اور مدد کی التجا کی۔ واقعہ کی اطلاع ملتے ہی ایس ڈی آر ایف کی ٹیم فوراً جائے وقوعہ پر پہنچی۔ انہوں نے تیزی سے تمام مسافروں کو بچایا اور کشتی کو کنارے تک پہنچایا۔اطمینان بخش بات یہ ہے کہ اس واقعے میں کوئی جانی نقصان نہیں ہوا۔ غور طلب ہے کہ حال ہی میں وکرم شیلا پل کو نقصان پہنچنے کے بعد کشتیاں لوگوں کی آمدورفت کا بنیادی ذریعہ بن گئی ہیں۔ نتیجتاً گنگا گھاٹوں پر مسافروں کی تعداد میں مسلسل اضافہ ہو رہا ہے۔

ہندوستھان سماچار

---------------

ہندوستان سماچار / Mohammad Afzal Hassan