ممبئی ، 17 مئی (ہ س) ۔ ممبئی مضافاتی علاقے کھار میں درخت گرنے کے حادثے میں زخمی ہونے والی ایک لڑکی اتوار کو دم توڑ گئی، جبکہ دوسری لڑکی کی حالت اب بھی تشویشناک بتائی جا رہی ہے۔ یہ حادثہ گزشتہ 10 مئی کو کھار مغرب کے لِنکنگ روڈ پر راج کمار جیولرس کے قریب پیش آیا تھا، جہاں ایک درخت اچانک گر گیا تھا۔اطلاعات کے مطابق یہ درخت ''بلو اسٹون بلڈر'' کے احاطے سے گرا تھا، جس کی زد میں ایک آٹو رکشہ آ گیا تھا۔ رکشے میں سوار دو لڑکیاں شدید زخمی ہو گئی تھیں۔ دونوں زخمی لڑکیوں کو فوری طور پر ہندوجا اسپتال میں داخل کرایا گیا تھا۔ ممبئی میونسپل کارپوریشن کے مطابق 14 سالہ آریکا سریواستو نے اتوار کو دورانِ علاج دم توڑ دیا۔ جبکہ 21 سالہ ہرشیتا کمار کا علاج اب بھی جاری ہے اور وہ انتہائی نگہداشت وارڈ یعنی آئی سی یو میں داخل ہے۔

ہندوستھان سماچار

--------------------

ہندوستان سماچار / جاوید این اے