نوئیڈا، 19 مئی (ہ س)۔ اترپردیش کے نوئیڈا کے میں تھانہ سورج پور پولیس نے ٹیکسی ڈرائیوروں اور راہگیروں سے لوٹ مار کرنے والے ایک گروہ کا پردہ فاش کرتے ہوئے پانچ بدمعاشوں کو گرفتار کیا۔ ان کی شناخت ضلع اناو¿ کے رہنے والے انکت سنگھ (19)، بلند شہر ضلع کے دیپانشو (19)، ترون ٹھاکر (19) اور موہت راجپوت (19) اور نوئیڈا کے گڑھی شاہدرہ سیکٹر 142کے نواب بھاٹی عرف سندیپ بھاٹی (23)کے طور پر ہوئی ہے ۔

پولیس نے ملزمان کے قبضے سے 20 موبائل فون، دو کاریں، چار ہزار روپے، پستول، کارتوس اور چاقو برآمد کئے ہیں ۔ پچھلے چھ مہینوں سے، ملزمان رات گئے لفٹ دینے کے بہانے نوئیڈا، گریٹر نوئیڈا اور این سی آر میں راہگیروں اور ٹیکسی ڈرائیوروں کو لوٹ رہے تھے۔ وہ اب تک 20 سے زائد جرائم کر چکے ہیں۔

ڈی سی پی سنٹرل نوئیڈا شیلیندر کمار سنگھ نے بتایا کہ ملزمان راہگیروں کو اپنی کار میں بٹھاتے تھے، ان کے ساتھ مارپیٹ کرتے تھے اور پھر ان کے موبائل فون، نقدی اور دیگر سامان چھین لیتے تھے۔ وہ جان بوجھ کر سڑک پر لاپرواہی سے گاڑی چلاتے۔ اگر کوئی ان پر اعتراض کرتا تو وہ انہیں روکتے، مارتے اور لوٹ لیتے۔ 16 مئی کی اولین ساعتوں میں، ملزمان نے ایٹا-1 کے علاقے میں ایک ٹیکسی ڈرائیور کو بھی مارا پیٹا اور اس کا موبائل فون، 5000 روپے نقد اور کار کی چابی چھین لی۔ اس سلسلے میں ایف آئی آر درج کرائی گئی۔

ملزمان اپنے جرائم کو انجام دینے کے لیے اکثر گاڑیاں کرائے پر لیتے تھے۔ پولیس نے ان کے قبضے سے جرم میں استعمال ہونے والی وینیو اور تھار کاریں بھی برآمد کر لیں۔ پولیس ملزم کے دیگر ساتھیوں کی تلاش کر رہی ہے۔ ملزم موہت راجپوت کے خلاف دادری اور سورج پور تھانوں میں پہلے ہی کئی مقدمات درج ہیں۔ نواب، انکت، ترون اور دیپانشو پر بھی لوٹ مار اور آرمس ایکٹ سے متعلق پہلے سے معاملات درج ہیں۔