نئی دہلی، 19 مئی (ہ س)۔

وزیر اعظم نریندر مودی نے منگل کو ناروے کی راجدھانی اوسلو میں نارڈک ممالک کے ساتھ منعقد تیسرے انیا نارڈک چوٹی کانفرس سے الگ آئس لینڈ کے وزیر اعظم کرسٹون فراسٹاڈاٹیر سے ملاقات کی۔ دونوں رہنماو¿ں نے دوطرفہ تعلقات کو مزید مضبوط بنانے کے مختلف پہلوو¿ں پر وسیع تبادلہ خیال کیا۔

وزارت خارجہ کے ترجمان رندھیر جیسوال کے مطابق، میٹنگ میں خاص طور پر جیوتھرمل اور قابل تجدید توانائی، ماہی گیری، تجارت اور سرمایہ کاری، اختراع، ڈیجیٹل ٹیکنالوجی، تخلیقی معیشت، آرکٹک تعاون، اور لوگوں کے درمیان رابطوں کو بڑھانے جیسے موضوعات پر توجہ مرکوز کی گئی۔ دونوں فریقوں نے انڈیا-ای ایف ٹی اے تجارتی اور اقتصادی شراکت داری کے معاہدے (ٹی ای پی اے) کے نفاذ سے پیدا ہونے والے مواقع پر بھی تبادلہ خیال کیا۔ دونوں رہنماو ¿ں نے علاقائی اور عالمی امور پر بھی تبادلہ خیال کیا۔

وزیر اعظم مودی نے سوشل میڈیا پر ملاقات کو شاندار قرار دیتے ہوئے کہا کہ ہندوستان آئس لینڈ کے ساتھ اپنی دوستی کو بہت اہمیت دیتا ہے۔ دونوں ممالک نے صاف توانائی، ماہی گیری، پائیدار ترقی، جیوتھرمل توانائی، اور کاربن کنٹرول اور ذخیرہ سمیت کئی شعبوں میں تعاون بڑھانے کے طریقوں پر تبادلہ خیال کیا۔

بلیو اکانومی سے متعلقہ شعبوں میں آئس لینڈ کی مہارت قابل تعریف ہے۔ ہمیں امید ہے کہ تاریخی ہندوستان-ای ایف ٹی اے ٹی ای پی اے معاہدہ تجارتی اور سرمایہ کاری کے تعلقات کو بھی نئی تحریک فراہم کرے گا۔