ماسکو، 19 مئی (ہ س)۔ روسی صدر ولادیمیر پوتین ستمبر میں ہندوستان کا دورہ کرنے والے ہیں۔ وہ 12 اور 13 ستمبر کو نئی دہلی میں ہندوستان کی صدارت میں منعقد ہونے والی برکس سربراہی کانفرنس میں شرکت کریں گے۔
کریملن کے معاون یوری اوشاکوف کا حوالہ دیتے ہوئے، جنوبی افریقہ میں روسی سفارت خانے نے بھی ایکس پر ایک پوسٹ میں تصدیق کی کہ روسی صدر 12 اور 13 ستمبر کو نئی دہلی میں ہونے والی برکس سربراہی کانفرنس میں شرکت کریں گے۔
یہ ایک سال کے عرصے میں پوتین کا دوسرا ہندوستان کا دورہ ہوگا۔ اس سے پہلے، وہ 23ویں ہندوستان-روس سالانہ چوٹی کانفرنس میں شرکت کے لیے گزشتہ دسمبر میں نئی دہلی آئے تھے۔
روس کے وزیر خارجہ سرگئی لاوروف نے حال ہی میں ہندوستان کا دورہ کیا، جہاں انہوں نے برکس وزرائے خارجہ کے اجلاس میں شرکت کی۔ اس دورے کے دوران انہوں نے وزیر اعظم نریندر مودی سے بھی ملاقات کی۔ دونوں رہنماؤں نے یوکرین اور مغربی ایشیا کی صورتحال سمیت مختلف علاقائی اور عالمی امور پر تبادلہ خیال کیا۔ برکس وزرائے خارجہ کی دو روزہ میٹنگ، 14 اور 15 مئی کو نئی دہلی میں منعقد ہوئی، جس کی صدارت وزیر خارجہ ڈاکٹر ایس جے شنکر نے کی۔
ہندوستھان سماچار
---------------
ہندوستان سماچار / عبدالواحد