نئی دہلی، 21 مئی (ہ س)۔ لوک سبھا میںحزب اختلاف کے رہنما راہل گاندھی کی مشکلات ایک بار پھر بڑھ سکتی ہیں۔وزیر اعظم نریندر مودی اور وزیر داخلہ امت شاہ کے خلاف مبینہ طور پر توہین آمیز اور ناشائستہ زبان استعمال کرنے کے الزام میں ان کے خلاف دہلی میں پولیس شکایت درج کرائی گئی ہے۔

یہ شکایت بھارتیہ جنتا یوا مورچہ دہلی کے ریاستی ترجمان ابھیشیک دوبے نے جنوبی دہلی کے تگڑی تھانے میں دی ہے، جس میں راہل گاندھی کے خلاف ایف آئی آر درج کرنے کا مطالبہ کیا گیا ہے۔

شکایت کنندہ ابھیشیک دوبے کے مطابق،20 مئی ( بدھ )کو ایک عوامی تقریب کے دوران راہل گاندھی نے وزیر اعظم مودی اور وزیر داخلہ کے لیے "غدار"جیسے اشتعال انگیز اور غیر مہذب الفاظ کا استعمال کیا۔ انہوں نے کہا کہ اس طرح کے بیانات نہ صرف ملک کے اعلیٰ ترین آئینی عہدوں کے وقار کو مجروح کرتے ہیں بلکہ معاشرے میں دشمنی، غصہ اور بے اطمینانی پھیلانے کا کام بھی کرتے ہیں۔ عوامی پلیٹ فارم سے ایسی زبان استعمال کرنا جمہوری اصولوں کے سراسر خلاف ہے۔

شکایت میں دہلی پولیس سے مطالبہ کیا گیا ہے کہ وہ راہل گاندھی کے خلاف بھارتی نیائے سنہتا (آئی پی سی) اور دیگر متعلقہ قانونی سیکشن کے تحت فوری طور پر ایف آئی آر درج کرے اور معاملے کی سنگینی کو دیکھتے ہوئے مناسب قانونی کارروائی کی جائے۔

شکایت کنندہ کا کہنا ہے کہ سیاست میں اس طرح کے غیر مہذب رویے کو روکنا بہت ضروری ہے تاکہ آئندہ کوئی بھی عوامی زندگی میں ایسی زبان استعمال کرنے کی جرا ¿ت نہ کر سکے۔