لکھنو، 24 مئی (ہ س)۔ راشٹریہ سویم سیوک سنگھ کے سرسنگھ چالک ڈاکٹر موہن راو بھاگوت چار روزہ دورے پر لکھنو پہنچ گئے ہیں۔ سرسنگھ چالک سرسوتی کنج، نرالا نگر میں چل رہے مشرقی اتر پردیش خطے کے کاریہ کرتا وکاس ورگ پرتھم (کارکن ترقیاتی کیمپ-اول) میں تربیت حاصل کرنے آئے کارکنوں کی رہنمائی کریں گے۔ اس کیمپ میں سرسنگھ چالک کا فکری خطاب ہوگا۔ وہ خطبہ کے سیشن میں بھی شامل ہوں گے۔ ڈاکٹر موہن راو بھاگوت 26 مئی تک اس کیمپ میں رہیں گے۔

نرالا نگر میں چل رہے کاریہ کرتا وکاس ورگ پرتھم میں نیپال ملک سمیت اودھ، کانپور، گورکش اور کاشی صوبے کے 289 کارکن تربیت حاصل کر رہے ہیں۔ اس کیمپ کے کیمپ کاریہ واہ دیویندر استھان، کیمپ پلک خطے کے فکری تدریسی سربراہ متھلیش نارائن اور اسسٹنٹ کیمپ کاریہ واہ راس بہاری بنائے گئے ہیں۔ وہیں علاقائی پرچارک انیل کیمپ میں موجود رہ کر پورا وقت دے رہے ہیں۔

ہندوستھان سماچار

---------------

ہندوستان سماچار / انظر حسن