مشرقی چمپارن، 24 مئی (ہ س)۔ پولیس اور اسپیشل ٹاسک فورس (ایس ٹی ایف) کی مشترکہ ٹیم نے ایک بڑی کامیابی حاصل کی۔ ٹیم نے بدنام زمانہ بین الاقوامی جعلی کرنسی کی اسمگلنگ کے سرغنہ سشیل تیواری عرف دیا تیواری کو گرفتار کیا ۔پولیس نے یہ کارروائی ہندوستان-نیپال سرحد پر ملٹری انٹیلی جنس، لکھنؤ سے موصول ہونے والی اطلاع کی بنیاد پر کی۔ تفتیشی ایجنسی کے مطابق گرفتار کیے گئے سشیل کا بھارت، نیپال اور بنگلہ دیش تک پھیلا ہوا نیٹ ورک تھا۔ وہ سرحد پار جعلی کرنسی کی اسمگلنگ کی کا کلیدی سرغنہ تھا۔انٹیلی جنس ان پٹ ملنے کے بعد وہ گذشتہ کچھ مہینوں سے انڈرگراؤنڈ تھا۔پولیس ملک بھر میں کئی دیگر سیکورٹی ایجنسیوں کے ساتھ مل کر اسے تلاش کر رہی تھی۔قابل ذکر ہے کہ رواں سال 31 جنوری کو ہریہ تھانے کی پولیس نے ایک نیپالی شہری سمیت کل آٹھ ملزمین کو گرفتار کیا تھا۔ ان سے تقریباً25لاکھ نیپالی جعلی کرنسی اور 18,500 ہندوستانی جعلی کرنسی برآمد کی گئی۔ اسمگلروں سے ایک درجن کے قریب موبائل فون، پاسپورٹ، موٹرسائیکلیں، جعل سازی میں استعمال ہونے والا کیمیکل اور سامان بھی قبضے میں لے لیا گیا۔ اس وقت اسمگلروں کا نام سشیل تیواری عرف دیا تیواری تھا جو سیتامڑھی ضلع کے میجر گنج تھانہ علاقے کے کھیروا کا رہنے والا تھا، تب سے وہ فرار ہے۔اطلاعات کے مطابق گرفتاری کے بعد پوچھ گچھ کے دوران سشیل تیواری نے جعلی کرنسی کے کاروبار سے متعلق کئی اہم انکشافات کیے ہیں۔ اس نے اپنے نیٹ ورک اور دیگر ساتھیوں کے بارے میں بھی معلومات فراہم کیں۔ ان معلومات کی بنیاد پر تفتیشی ایجنسیوں نے اب مزید تفتیش شروع کر دی ہے۔حکام کا کہنا ہے کہ اس کی معلومات سے دیگر ملزمین کی گرفتاری کا امکان ہے۔موتیہاری پولیس سپرنٹنڈنٹ سورن پربھات نے بتایا کہ پولیس کئی مرکزی اور ریاستی ایجنسیوں کے ساتھ مل کر سشیل عرف دیا تیواری کو گرفتار کرنے کی مسلسل کوششیں کر رہی ہے۔ آخر کار ملٹری انٹیلی جنس کے انٹیلی جنس ان پٹ کے بعد، پولیس اور اسپیشل ٹاسک فورس نے اسے گرفتار کر لیا۔گرفتارا سمگلر کو ریمانڈ پر لے کر اس سے تفتیش کی جائے گی تاکہ اس بین الاقوامی گینگ کے دیگر ارکان اور نیٹ ورک کا مکمل پردہ فاش کیا جا سکے۔ امکان ہے کہ سشیل کے انکشافات کے بعد گینگ کے دیگر ارکان کو گرفتار کر لیا جائے گا۔ہندوستھان سماچار

ہندوستان سماچار / Mohammad Afzal Hassan