پارلیمنٹ میں مؤثر کارکردگی اورعوامی مسائل اٹھانے پراعزازممبئی ، 24 مئی (ہ س)۔ پارلیمنٹ میں نمایاں کارکردگی کا مظاہرہ کرنے والے ارکان پارلیمنٹ کو دیا جانے والا باوقار "سنسد رتن ایوارڈ 2026" شیوسینا شندے گروپ کے رکن پارلیمنٹ ڈاکٹرشری کانت ایکناتھ شندے کو دیا گیا ہے۔ خاص بات یہ ہے کہ 2024 کے بعد یہ دوسرا موقع ہے جب انہیں اس اعزاز سے نوازا گیا ہے۔ ڈاکٹر شری کانت شندے کا انتخاب پارلیمنٹ میں عوامی مسائل کو مؤثر انداز میں اٹھانے، مختلف مباحثوں میں سرگرم حصہ لینے اور چھ اہم پرائیویٹ بل پیش کرنے کی بنیاد پر کیا گیا ہے۔سنسد رتن ایوارڈ کمیٹی نے اس سال ملک بھر سے 10 لوک سبھا اراکین، 2 راجیہ سبھا اراکین اور 4 پارلیمانی کمیٹیوں کے ارکان کا انتخاب کیا ہے۔ ارکان پارلیمنٹ کا انتخاب ان کی حاضری، مباحثوں میں شرکت، سوالات کے معیار اور عوامی مسائل پر مسلسل فالو اپ کی بنیاد پر کیا جاتا ہے۔ ڈاکٹر شری کانت شندے نے پارلیمنٹ میں ڈیپ فیک ریگولیشن، ڈیزاسٹر ریلیف ویلفیئر، گورکشا، یتیم بچوں کی فلاح، تعلیمی اصلاحات اور ایڈووکیٹ اصلاحات سے متعلق چھ پرائیویٹ بل پیش کیے تھے۔ اس کے علاوہ انہوں نے ریلوے، صحت، روزگار، شہری ترقی اور انفراسٹرکچر جیسے اہم مسائل پر بھی مسلسل آواز بلند کی۔آپریشن سندور کے بعد انہوں نے حکومت ہند کے ایک کل جماعتی نمائندہ وفد کی قیادت بھی کی تھی اور متحدہ عرب امارات، لائبیریا، سیرا لیون اور کانگو میں دہشت گردی کے خلاف ہندوستان کا مؤقف مؤثر انداز میں پیش کیا تھا۔ ان کی اس سفارتی سرگرمی اور پارلیمانی کارکردگی کو کافی سراہا گیا تھا۔ہندوستھان سماچار

ہندوستان سماچار / جاوید این اے