سائبر پولیس نے جب اس بڑی رقم کے ٹرانزیکشن اور بینک کھاتوں کی کڑیوں کو جوڑنا شروع کیا، تو ٹھگی کے 4 لاکھ روپے مرینا کے پورسا رہائشی راہل تومر کے کھاتے میں ٹرانسفر ہونے کی بات سامنے آئی۔ پولیس نے جب راہل کو حراست میں لے کر سختی سے پوچھ گچھ کی، تواس نے بتایا کہ اس نے محض تھوڑے سے کمیشن کے لالچ میں اپنا بینک کھاتا اپنے چچازاد بھائی روہت تومر کو استعمال کرنے کے لیے دے دیا تھا۔ اس کے بعد پولیس نے فوری کارروائی کرتے ہوئے مرکزی ملزم روہت تومر کو بھی پکڑ لیا۔ روہت نے جرم قبول کرتے ہوئے بتایا کہ وہ ٹیلی گرام ایپ کے ذریعے ایک غیر ملکی (چائنیز) نیٹ ورک کے براہِ راست رابطے میں تھا۔ ٹھگی کی جو بھی رقم کھاتوں میں آتی تھی، اسے وہ بائننس پلیٹ فارم کے ذریعے یو ایس ڈی ٹی (کرپٹو کرنسی) میں بدل کر آگے ٹرانسفر کر دیتا تھا۔ سائبر پولیس نے گرفتار کیے گئے دونوں ملزمان کے قبضے سے ٹھگی اور مالیاتی ہیر پھیر میں استعمال ہونے والے 10 اے ٹی ایم کارڈ، 3 چیک بک، 2 موبائل فون اور 3 ایکٹو سم کارڈ برآمد کیے ہیں۔ اس معاملے میں پولیس کی یہ دوسری بڑی کامیابی ہے۔ اس سے پہلے پولیس مہاراشٹر کے ناسک سے ایک لوہا تاجر کو بھی گرفتار کر چکی ہے، جس کے بینک کھاتے میں ٹھگی کی رقم کی پہلی قسط جمع کرائی گئی تھی۔

ڈی ایس پی سائبر منیش یادو نے معاملے کے بارے میں بتایا کہ مرینا سے پکڑے گئے دونوں چچیرے بھائیوں کو عدالت سے ریمانڈ پر لے کر پوچھ گچھ کی جا رہی ہے۔ پولیس اب اس پورے ریکیٹ کے انٹرنیشنل ان پٹ اور تکنیکی پہلووں کی جانچ کر رہی ہے۔ اس کے ساتھ ہی، جن دیگر بینک کھاتوں میں رقم کو ٹرانسفر یا لیئرنگ کیا گیا ہے، ان تمام بینک کھاتوں کو فریز کرانے اور ان کے کھاتہ داروں تک پہنچنے کے لیے جانچ کا دائرہ بڑھا دیا گیا ہے۔

ہندوستھان سماچار

ہندوستان سماچار / انظر حسن