پولیس افسر بھوشن نے بتایا کہ ہانسی میں گزشتہ ماہ جم آپریٹر کپل کو دو نامعلوم افراد نے قتل کر دیا تھا۔ جانچ میں انکشاف ہوا کہ اس قتل معاملہ میں لارینس بشنوئی گینگ کے شوٹر پرویش اور ہمانشو ملوث تھے۔ انہوں نے بتایا، ''آج ان دونوں شوٹروں کے سلسلے میں کاونٹر انٹیلی جنس دہلی اسپیشل سیل یونٹ کے انچارج منجیت کو خفیہ اطلاع ملی۔ انہوں نے بتایا کہ یہ دونوں مطلوب شوٹر ہتھیاروں اور گولہ بارود سے لیس ہیں اور کسی جرم کو انجام دینے کا منصوبہ بنا رہے ہیں''۔

ایس ٹی ایف کے افسر بھوشن نے بتایا کہ پولیس ٹیموں نے سب سے پہلے علاقے کا محاصرہ کیا۔ اس کے بعد ٹیمیں دونوں کو پکڑنے کے لیے آگے بڑھیں۔ انہوں نے کہا، ''پرویش اور ہمانشو نے فائرنگ شروع کر دی۔ دفاعِ خود میں پولیس ٹیموں کو بھی جوابی فائرنگ کرنی پڑی''۔

بھوشن نے کہا، ''تصادم کے دوران ایک سپاہی کے پیر میں گولی لگی اور چار دیگر افسران کی بلٹ پروف جیکٹ پر گولیاں لگیں۔ دونوں شوٹر بھی زخمی ہو گئے۔ زخمی دونوں شوٹروں کو اسپتال لے جایا گیا، لیکن انہیں بچایا نہیں جا سکا۔ ڈاکٹروں نے دونوں شوٹروں کو مردہ قرار دے دیا۔ زخمی سپاہی کو سپر اسپیشلٹی اسپتال ریفر کر دیا گیا ہے''۔

ہندوستھان سماچار

---------------

ہندوستان سماچار / انظر حسن