اس موقع پر پروگرام سے خطاب کرتے ہوئے میئر پرویش واہی نے کہا کہ ڈینگو، ملیریا اور چکن گنیا جیسی مچھروں سے پیدا ہونے والی بیماریوں کی روک تھام کا سب سے موثر طریقہ مچھروں کی افزائش کو روکنا ہے۔

پرویش واہی نے کہا کہ ڈینگو، ملیریا اور چکن گنیا جیسی بیماریاں ایڈیز اور اینوفیلیز مچھروں کے ذریعے پھیلتی ہیں۔ انہوں نے شہریوں سے اپیل کی کہ وہ اپنے گھروں اور آس پاس پانی جمع نہ ہونے دیں تاکہ مچھروں کی افزائشِ نسل کو روکا جا سکے۔

میئر نے محکمہ صحتِ عامہ کے افسران کو آنے والے ہفتے میں شمال مغربی علاقے کے تحت آنے والے تمام مذہبی مقامات جیسے مندروں، گرودواروں وغیرہ میں مچھروں کی روک تھام کے لیے فوگنگ کرنے کے احکامات بھی دیے تاکہ مچھروں سے پیدا ہونے والی بیماریوں پر قابو پایا جا سکے۔

ساتھ ہی میئر نے مچھروں کی روک تھام اور ان سے متعلق شکایات کے ازالے کے لیے 01127050132 اور 01127050133 ہیلپ لائن نمبر جاری کیے۔ میئر نے کہا کہ شہری ان نمبروں پر اپنی شکایات درج کرا سکتے ہیں اور ان کی شکایات پر فوری کارروائی کی جائے گی۔

اینٹی ڈینگو ماہ بیداری پروگرام میں مقامی کونسلر نریندر سولنکی، شمال مغربی علاقے کے ڈپٹی کمشنر انشل سروہی، ڈپٹی ہیلتھ آفیسر ڈاکٹر کنیکا، آر ڈبلیو اے کے نمائندوں سمیت میونسپل کارپوریشن کے ملازمین اور مقامی شہری موجود رہے۔

ہندوستھان سماچار

---------------

ہندوستان سماچار / انظر حسن