جھارکھنڈ حکومت کے سابق وزیر بنا گپتا اور ضلع انچارج ششی بھوشن رائے سمیت پارٹی کے کئی سینئر لیڈروں اور کارکنوں کی بڑی تعداد نے احتجاج میں حصہ لیا۔احتجاج سے خطاب کرتے ہوئے، کانگریس کے رہنماو¿ں نے ایم ایم ڈی آر ترمیمی بل 2026 کو جھارکھنڈ کے مفادات کے لیے نقصان دہ قرار دیا اور مرکزی حکومت سے اسے واپس لینے کا مطالبہ کیا۔ انہوں نے کہا کہ مجوزہ ترمیم ریاستی حقوق کو متاثر کرے گی اور قدرتی وسائل میں ریاست کے کردار کو کمزور کر سکتی ہے۔

کانگریس نے اسے وفاقی ڈھانچے کی روح کے خلاف قرار دیتے ہوئے کہا کہ وہ اس کے خلاف زبردست تحریک جاری رکھے گی۔سابق وزیر بنا گپتا نے کہا کہ جھارکھنڈ معدنیات سے مالا مال ریاست ہے اور اس کے قدرتی وسائل پر ریاست اور اس کے لوگوں کا بنیادی حق ہونا چاہیے۔ انہوں نے الزام لگایا کہ مرکزی حکومت کی پالیسیاں ریاستوں کے حقوق میں مداخلت کر رہی ہیں، جس سے جھارکھنڈ کی معیشت اور ترقیاتی منصوبوں پر اثر پڑ سکتا ہے۔

انہوں نے کہا کہ اگر معدنیاتی محصولات پر ریاست کا کنٹرول کمزور ہوتا ہے تو اس سے عوامی بہبود کے پروگراموں پر برا اثر پڑے گا۔ گپتا نے جھارکھنڈ کے بی جے پی ممبران پارلیمنٹ اور ایم ایل اے سے بھی بل کے خلاف بولنے کی اپیل کی۔

ضلع انچارج ششی بھوشن رائے نے کہا کہ کانگریس عوامی مسائل پر سڑکوں سے ایوان تک اپنی لڑائی جاری رکھے گی۔ انہوں نے پارٹی کارکنوں پر زور دیا کہ وہ عوام تک پہنچ کر انہیں بل کے ممکنہ اثرات سے آگاہ کریں اور ریاست کے حقوق کے تحفظ کے لیے عوامی حمایت کو متحرک کریں۔

احتجاج کے دوران کانگریس لیڈروں اور کارکنوں نے مرکزی حکومت کے خلاف نعرے لگائے اور ایم ایم ڈی آر ترمیمی بل 2026 کو واپس لینے کا مطالبہ کیا۔اس موقع پر ضلع کانگریس کے عہدیداران، مختلف سیل کے نمائندے اور کارکنوں کی بڑی تعداد موجود تھی۔

ہندوستھان سماچار

ہندوستان سماچار / محمد شہزاد