رکشا بندھن کے دن صبح 6 بج کر 40 منٹ کے لگ بھگ یاشی نہانے کے بعد باتھ روم سے باہر نکلی تھی۔ جیسے ہی یہ صحن کی طرف بڑھی، اچانک زمین دھنسنے لگی اور بور ویل میں جا گری۔ بڑی بہن نے واقعہ دیکھا اور گھر والوں کو اطلاع دی۔ گھر والوں نے اسے رسی لگا کر باہر نکالنے کی کوشش کی لیکن اس دوران مٹی اور کیچڑ نے اسے مزید نیچے جانے پر مجبور کر دیا اوروہ مٹی کے نیچے دب گئی۔

اطلاع ملتے ہی پولیس اور فائر بریگیڈ موقع پر پہنچ گئی۔ بعد میں این ڈی آر ایف اور ایس ڈی آر ایف کی ٹیمیں بھی ریسکیو آپریشن میں شامل ہوئیں۔ چونکہ سیدھے بور ویل میں جانا خطرناک تھا، اس لیے ریسکیو ٹیم نے اس کے متوازی کھدائی شروع کر دی۔ تقریبا 60 فوجیوں نے کئی گھنٹوں تک آپریشن انجام دیا۔

ابتدائی طور پر کھدائی جے سی بی سے کی گئی تھی لیکن مٹی کے کٹاو¿ کے خطرے کو مدنظر رکھتے ہوئے پوک لینڈ مشین طلب کی گئی تھی۔ تقریبا 24 فٹ کھدائی کرنے کے بعد ریسکیو ٹیم یاشی تک پہنچنے میں کامیاب ہو گئی۔ انہیں فوری طور پر اسپتال لے جایا گیا جہاں ڈاکٹروں نے انہیں مردہ قرار دے دیا۔

اہل خانہ کے مطابق تقریبا تین سال قبل گھر کے اندر بورنگ کی گئی تھی لیکن پانی کی کمی کی وجہ سے اسے بند کر دیا گیا تھا اور بورنگ کہیں اور کی گئی تھی۔ فرش پرانے بورنگ کے اوپر بنایا گیا تھا۔ خدشہ ہے کہ مسلسل بارش کی وجہ سے زمین کمزور ہو گئی اور صحن کا کچھ حصہ اچانک منہدم ہو گیا۔

یاشی چار بہنوں اور ایک بھائی میں سب سے چھوٹی تھی۔ اس کے والد ونود مزدور کے طور پر کام کرتے ہیں۔ ماں ریکھا دیوی سمیت خاندان کے افراد اپنی بیٹی کی موت کے بعد صدمے کی حالت میں ہیں۔ اس واقعے نے گاو¿ں میںتشویش پیدا کردیہے۔

اسسٹنٹ کمشنر آف پولیس چکری آشوتوش کمار سنگھ نے بتایا کہ تقریبا سات گھنٹے کی ریسکیو آپریشن کے بعد لڑکی کو باہر نکالا گیا۔ اسپتال میں ڈاکٹروں نے اسے مردہ قرار دے دیا۔ لاش کو پوسٹ مارٹم کے لیے بھیج دیا گیا ہے۔ قانونی کارروائی کی جا رہی ہے۔

ہندوستان سماچار

---------------

ہندوستان سماچار / عبدالسلام صدیقی