جموں، 29 اگست (ہ س)۔

شمالی ریلوے نے بڈگام اور شری ماتا ویشنو دیوی کٹرا کے درمیان ٹرین سروس ہفتہ سے بحال کر دی ہے۔ سروس کی بحالی سے کشمیر وادی اور جموں خطے کے درمیان سفر کرنے والے مسافروں کو براہِ راست ریل رابطے کی سہولت حاصل ہوگی۔

ریلوے کے مطابق ٹرین نمبر 04688 بڈگام۔شری ماتا ویشنو دیوی کٹرا بڈگام سے صبح 7 بج کر 20 منٹ پر روانہ ہوگی اور دوپہر 1 بجے کٹرا پہنچے گی، جبکہ واپسی میں ٹرین نمبر 04687 کٹرا سے دوپہر 1 بج کر 45 منٹ پر روانہ ہو کر رات 8 بجے بڈگام پہنچے گی۔