تیرتھا کشیتر ٹرسٹ نے ایک بیان میں کہا کہ مشرا نے آپریشن سندور میں ویسٹرن ایئر کمانڈ کی قیادت کی۔ اتر پردیش کے دیوریا ضلع کے رہنے والے مشرا 30 اپریل 2026 کو فضائیہ میں 39 سال کی خدمت کے بعد ریٹائر ہوئے۔

ٹرسٹ میں تین نئے ممبران کا تقرر بھی کیا گیا ہے۔ ان میں ایودھیا چھاو¿نی کے رہنے والے ایڈوکیٹ مدن موہن پانڈے، دہلی کے مہیش بھاگ چندکا اور شکوہ آباد کی رہنے والی ڈاکٹر نرملا یادو شامل ہیں۔ نرملا یادو ٹرسٹ کی پہلی خاتون ٹرسٹی ہوں گی۔ بھاگچندکا کو گووند دیو گری کی جگہ خزانچی مقرر کیا گیا ہے۔

ٹرسٹ کے تین نئے ارکان میں سے 74 سالہ مدن موہن پانڈے رام جنم بھومی ملکیت تنازعہ میں رام للا کی پیروی کرنے والی قانونی ٹیم کا حصہ تھے۔ انہوں نے الہ آباد ہائی کورٹ اور سپریم کورٹ میں رام جنم بھومی فریقین کے دلائل میں کلیدی کردار ادا کیا۔ پانڈے نے چھ سال تک اتر پردیش کے ایڈیشنل ایڈوکیٹ جنرل کے طور پر بھی خدمات انجام دیں۔

دوسرے رکن، 68 سالہ مہیش بھاگ چندکا دہلی میں مقیم ایک تاجر ہیں۔ وہ 2020 میں رام مندر کی سنگ بنیاد کی تقریب اور 22 جنوری 2024 کوپران پرتشٹھاکی تقریب میں یجمان بھی رہے تھے۔ گریجویٹ تک تعلیم یافتہ بھاگ چندکا کتاب "ہندوتوا کے پرودھا" کے مصنف ہیں۔ ورلڈ ہندو اکنامک فورم کی ایگزیکٹو کمیٹی کے رکن بھاگ چندکا بھی رام ون گمن یاترا سے منسلک 292تیرتھ مقامات پر شری رام ستونوں کی تنصیب میں شامل رہے ہیں۔

ٹرسٹ کی تیسری رکن شکوہ آباد کی رہنے والی 66 سالہ ڈاکٹر نرملا یادو ہیں۔ وہ ٹرسٹ کی پہلی خاتون رکن ہیں۔ ہندی اور سنسکرت میں ماسٹر کی ڈگری حاصل کرنے والی ڈاکٹر یادو نے 19 سال تک کالج کے پرنسپل کے طور پر خدمات انجام دیں۔

رام مندر میں چڑھاوا چوری کا معاملہ سامنے آنے کے بعد 2 جولائی کو ٹرسٹ کے جنرل سکریٹری چمپت رائے اور ٹرسٹی انل مشرا نےاستعفیٰ دے دیا۔ ان کے استعفوں کے بعد، ریٹائرڈ آئی ایف ایس افسر کرشن موہن کو قائم مقام جنرل سکریٹری مقرر کیا گیا۔ ٹرسٹ نے کرشنا موہن کا شکریہ ادا کیا اور ان کی تعریف کی کہ انہوں نے گزشتہ دو مہینوں کے دوران جنرل سکریٹری کی حیثیت سے اپنی ذمہ داریوں کو کامیابی سے انجام دیا۔

ٹرسٹ کے مطابق میٹنگ میں چڑھاوے کی نقد رقم کی گنتی کے عمل میں انسانی مداخلت کو کم کرنے کے لیے کی جانے والی کوششوں پر تبادلہ خیال کیا گیا۔ دو بینکوں اور ایک آئی آئی ٹی سے کچھ تجاویز موصول ہوئی ہیں، جن کا جائزہ لیا جائے گا اور تکنیکی مدد سے جلد ہی پیش رفت کی جائے گی۔

ٹرسٹ نے انتخابی کمیٹی کے ممبران جسٹس (ریٹائرڈ) پرمود کوہلی، لیفٹیننٹ جنرل (ریٹائرڈ) وشنوکانت چترویدی، سریش ہاوڑے اور کمیٹی کے سکریٹری سمیر پنڈا کا شکریہ ادا کیا کہ انہوں نے ساڑھے پانچ ہزار درخواستوں کی چھان بین اور سینکڑوں درخواست دہندگان کے انٹرویو کے ذریعے اس کام کو کم وقت میں مکمل کیا۔

ٹرسٹ کے مطابق مالی سال 26-2025 میں کل آمدنی 237 کروڑ روپے اور اخراجات 91 کروڑ روپے تھے۔ اس کے علاوہ ، تعمیرات اور دیگر پروجیکٹوں کے لیے سرمایہ خرچ 425 کروڑ روپے تھے۔ سال کے اختتام پر، 31 مارچ، 2026، ٹرسٹ کے پاس کل 1,882 کروڑ روپے کا فنڈ دستیاب تھا۔

ہندوستھان سماچار

ہندوستان سماچار / محمد شہزاد