معاملے کی تحقیقات کرنے والے ایک پولیس افسر نے جمعہ کو بتایا کہ اداکار کی موت کے بعد پنجی پولیس اسٹیشن میں بھارتیہ ناگرک سرکشا سنہتا (بی این ایس ایس) کی دفعہ 194 کے تحت غیر طبعی موت کا معاملہ درج کیا گیا ہے۔ موت کی اصل وجہ معلوم کرنے کے لیے تحقیقات جاری ہیں۔

پولیس اس بات کی جانچ کرے گی کہ جمعرات کی علی الصبح اداکار کی طبیعت ان کی رہائش گاہ پر خراب ہونے سے لے کر انہیں اسپتال پہنچائے جانے اور وہاں مردہ قرار دیے جانے تک کیا حالات پیش آئے۔

یہ معاملہ اس وقت سامنے آیا جب گوا کے منی پال اسپتال کے ڈاکٹر نے پنجی پولیس اسٹیشن کو فون کرکے نانا پاٹیکر کی موت کی اطلاع دی۔ اس وقت ڈاکٹر نے بتایا تھا کہ اداکار کو اسپتال مردہ حالت میں لایا گیا تھا۔

پولیس موت کی اصل وجہ معلوم کرنے کے لیے جائے وقوعہ کا پنچ نامہ تیار کرے گی۔ اس کے علاوہ گوا میڈیکل کالج میں پوسٹ مارٹم کرایا جائے گا اور اہل خانہ سمیت متعلقہ افراد کے بیانات درج کیے جائیں گے۔

پولیس فی الحال موت کے حالات اور اس کی وجوہات کی مکمل جانچ کررہی ہے۔ اگر تحقیقات میں یہ ثابت ہوتا ہے کہ موت قدرتی تھی تو ضابطوں کے مطابق مقدمہ بند کردیا جائے گا۔ تاہم، اگر تحقیقات کے دوران کوئی بے ضابطگی یا مشتبہ بات سامنے آتی ہے تو اس کے مطابق مزید قانونی کارروائی کی جائے گی۔

ہندوستھان سماچار

ہندوستان سماچار / عطاءاللہ