کمشنرنے چلکن نگر کے ملکارجن نگرمیں بارش کے پانی کی نکاسی کے نالے کے آؤٹ لیٹ کا بھی معائنہ کیا۔ یہ نالہ ناچارم جھیل کے آؤٹ لیٹ نالے سے منسلک ہے اور نجی اراضی سے گزرتا ہے۔ عہدیداروں کوہدایت دی گئی کہ مسئلے کا تفصیلی جائزہ لے کر بارش کے پانی کی بلا رکاوٹ نکاسی اور پانی جمع ہونے سے متعلق مسائل کی روک تھام کے لیے مناسب اقدامات پر غور کریں۔

اس کے علاوہ اُپل میں نلّا چیروو کے راستے ورنگل ہائی وے سے ملکارجن نگر کو جوڑنے والی مجوزہ سڑک کی ترقی کے کاموں کا بھی جائزہ لیا گیا۔ کمشنر نے عہدیداروں کو حیدرآباد ڈیزاسٹر رسپانس اینڈ ایسیٹ پروٹیکشن ایجنسی (حیڈرا) کے ساتھ تال میل قائم کرتے ہوئے مجوزہ کاموں کو آگے بڑھانے کے لیے ضروری اقدامات کرنے کی ہدایت دی۔

کمشنر نے کہا کہ طویل عرصے سے زیر التوا شہری مسائل کو حل کرنے کے لیے مختلف محکموں کے درمیان بہتر تال میل، بروقت کارروائی اور اصلاحی اقدامات پر مؤثر عمل درآمد ضروری ہے۔ انہوں نے عوام کو بہتر سہولتیں فراہم کرنے اور شہری بنیادی ڈھانچے کو بہتر بنانے کے لیے عہدیداروں کو مسلسل نگرانی اور فوری کارروائی کی ہدایت دی۔

ہندوستھان سماچار

ہندوستان سماچار / محمدعبدالخالق