معدنیات کو غیر قانونی طریقے سے نکالنے اور نقل و حمل کے لیے 08 گاڑیاں ضبطسرینگر، 18 مئی (ہ س)۔ غیر قانونی کان کنی اور معدنیات کی نقل و حمل کے خلاف اپنی مسلسل مہم کو جاری رکھتے ہوئے گاندربل پولیس نے 08 گاڑیاں ضبط ک لیں۔ تفصیلات کے مطابق تھانہ لار اور تھانہ کھیرباوانی کے دائرہ اختیار میں معدنیات کو غیر قانونی طریقے سے لے جانے کے لیے 05 ٹپر اور 03 ٹریکٹر ضبط کئے گئے ہیں۔ یہ گاڑیاں مقررہ اصولوں کی خلاف ورزی کرتے ہوئے، جائز اجازت کے بغیر کان کنی کا مواد نکالتی اور منتقل کرتی پائی گئیں۔ اس کے مطابق گاڑیوں کو موقع پر ہی قبضے میں لے لیا گیا اور معاملہ متعلقہ جیالوجی اینڈ مائننگ ڈیپارٹمنٹ کے ساتھ اٹھایا گیا جس نے بعد ازاں قانون کی متعلقہ دفعات کے تحت مطلوبہ جرمانہ عائد کیا۔ گاندربل پولیس نے ضلع میں غیر قانونی کان کنی کی سرگرمیوں کو روکنے کے اپنے عزم کا اعادہ کیا اور عوام پر زور دیا کہ وہ قدرتی وسائل کے تحفظ میں قانون نافذ کرنے والے اداروں کے ساتھ تعاون کریں۔ ایسے غیر قانونی کاموں میں ملوث پائے جانے والوں کے خلاف سخت کارروائی جاری رہے گی۔ ہندوستھان سماچار

ہندوستان سماچار / Aftab Ahmad Mir