نئی دہلی، 17 مئی (ہ س)۔دہلی-قومی دارالحکومت علاقہ (این سی آر) میں کمپریسڈ نیچرل گیس (سی این جی) کی قیمتوں میں تین دنوں میں دوسری بار اضافہ کیا گیا ہے۔ نئی قیمتوں کا اطلاق اتوار سے ہوگیاہے۔ تازہ ترین اضافے کے بعد دہلی میں سی این جی ایک روپیہ فی کلو گرام مہنگی ہو کر 80.09 روپے فی کلوگرام تک پہنچ گئی ہے۔

اس سے قبل 15 مئی کو گیس کمپنیوں نے سی این جی کی قیمتوں میں دو روپے فی کلو اضافہ کیا تھا۔ اس مسلسل دوسرے اضافے سے سی این جی تین دنوں میں مجموعی طور پر تین روپے فی کلو گرام مہنگی ہو گئی ہے۔

اندرا پرستھا گیس لمیٹڈ (آئی جی ایل) کے جاری کردہ نئے نرخوں کے مطابق، نوئیڈا اور غازی آباد میں سی این جی کی قیمت 88.70 روپے فی کلو تک ہو گئی ہے۔ دریں اثنا، ممبئی میں، سی این جی تقریباً 84 روپے فی کلو میں فروخت ہو رہی ہے۔