چیمپئن شپ کے 16ویں ایڈیشن میں ڈویژن اے، ڈویژن بی اور ڈویژن سی کے مقابلے ہوں گے۔ ٹیموں کو 2025 کے ایڈیشن میں ان کی درجہ بندی کی بنیاد پر تینوں ڈویژنوں میں تقسیم کیا گیا ہے۔ اس چیمپئن شپ کے ذریعے ملک بھر کی ٹیموں کو اپنی صلاحیتوں کا مظاہرہ کرنے اور قومی سطح پر خطاب کے لیے مقابلہ کرنے کا موقع ملے گا۔

گزشتہ ایڈیشن میں ہاکی پنجاب نے ڈویژن اے کے فائنل میں ہاکی مدھیہ پردیش کو1-4 سے شکست دے کر 15ویں سینئر مردوں کی قومی ہاکی چیمپئن شپ 2025 کا خطاب جیتا تھا۔ ہاکی اتر پردیش نے تیسری پوزیشن کے مقابلے میں منی پور ہاکی کو 1-5 سے ہرا کر کانسے کا تمغہ حاصل کیا تھا۔

ڈویژن اے میں 12 ٹیمیں، مقابلے 14 اکتوبر سے

ڈویژن اے میں 12 ٹیموں کو چار پول میں تقسیم کیا گیا ہے۔ پول اے میں ہاکی پنجاب، ہاکی یونٹ آف تمل ناڈو اور ہاکی بنگال شامل ہیں۔ پول بی میں ہاکی مدھیہ پردیش، ہاکی مہاراشٹر اور لے پڈوچیری ہاکی کو رکھا گیا ہے۔

پول سی میں ہاکی اتر پردیش، ہاکی کرناٹک اور ہاکی چنڈی گڑھ شامل ہیں، جبکہ پول ڈی میں منی پور ہاکی، ہاکی ہریانہ اور دہلی ہاکی کی ٹیمیں حصہ لیں گی۔

ڈویژن اے کے مقابلے 14 اکتوبر سے شروع ہوں گے۔ پول مرحلے کے بعد 18 اکتوبر کو کوارٹر فائنل کھیلے جائیں گے۔ ہر پول کی سرفہرست دو ٹیمیں ناک آوٹ مرحلے میں پہنچیں گی۔ سیمی فائنل 19 اکتوبر کو ہوں گے، جبکہ تیسری پوزیشن کا مقابلہ اور فائنل 21 اکتوبر کو کھیلا جائے گا۔

ڈویژن بی میں 10 اور ڈویژن سی میں سات ٹیمیں

ڈویژن بی میں 10 ٹیمیں دو پول میں مقابلہ کریں گی۔ پول اے میں ہاکی ایسوسی ایشن آف اڈیشہ، آسام ہاکی، کیرالہ ہاکی، ہاکی اتراکھنڈ اور چھتیس گڑھ ہاکی شامل ہیں۔

پول بی میں ہاکی جھارکھنڈ، تلنگانہ ہاکی، گوانس ہاکی، دادرا و نگر حویلی اور دمن و دیو ہاکی، نیز ہاکی اروناچل کی ٹیمیں شامل ہیں۔

ڈویژن سی میں سات ٹیمیں دو پول میں کھیلیں گی۔ پول اے میں ہاکی میزورم، ہاکی ہماچل اور ہاکی جموں و کشمیر شامل ہیں۔ پول بی میں ہاکی آندھرا پردیش، ہاکی راجستھان، بہار (بی ایس ایس اے) اور ہاکی گجرات کو رکھا گیا ہے۔

ڈویژن بی اور ڈویژن سی کے مقابلے 10 اکتوبر سے شروع ہوں گے۔ تینوں ڈویژنوں کی ٹیمیں ٹورنامنٹ میں مضبوط آغاز کرنے اور خطاب کی دوڑ میں آگے بڑھنے کے ارادے سے میدان میں اتریں گی۔

ہندوستھان سماچار

ہندوستان سماچار / محمد شہزاد